«Možna pračytać za adzin dzień». Stała viadoma, kali źjavicca «ŭzorny» padručnik pa historyi Biełarusi
Vychad navučalnaha dapamožnika anansavaŭ raniej ministr adukacyi.
Skrynšot videa ANT
Novy padručnik pa historyi Biełarusi ŭ kantekście suśvietnaj historyi prezientujuć u žniŭni.
Pra heta ŭ efiry ANT raspavioŭ ministr adukacyi Andrej Ivaniec. Čynoŭnik nazvaŭ hety padručnik uzornym.
«Užo ŭ žniŭni miesiacy my prezientujem, na našu dumku, faktyčna ŭzorny padručnik pa historyi Biełarusi ŭ kantekście suśvietnaj historyi dla 10-ha kłasa. Jaki možna pračytać litaralna za adzin dzień, nie adryvajučysia», — zajaviŭ Ivaniec.
Jon adznačyŭ, što padručnik «budzie pryvivać honar za našu historyju». Akramia taho, pa słovach Ivanca, i ŭ padručnikach pa inšych pradmietach budzie prysutničać «patryjatyčny kampanient».
Kiraŭnik Minadukacyi raniej anansavaŭ, što ŭ novym padručniku pa historyi buduć adlustravanyja pratesty 2020 hoda, pryčym na heta budzie vydzieleny raździeł.
