Siarhiej Dubaviec vydaŭ knihu «Stahodździe NN»
U vydaviectvie Vesna, jakoje mieścicca ŭ Prazie, vyjšła kniha litaratara i žurnalista, pieršaha redaktara adnoŭlenaj u 1991 hodzie «Našaj Nivy» Siarhieja Dubaŭca z nazvaj «Stahodździe NN». U 26-ju knihu vydaviectva ŭvajšło siem ese piśmieńnika, paviedamlaje bellit.info.
«Kniha vybranych ese raspaviadaje pra stahodździe pamiž «Našaj Nivaj» i «Našaj Nivaj», u jakim dziejničajuć: Janka Kupała — čaraŭnik na fabrycy maskultu, Abdzirałovič pad psieŭdanimam Kančeŭski, Vasil Bykaŭ — piśmieńnik ekzistencyjnaj niavykrutki, Ikar, jakomu kryły razburyła sonca, a jašče: nianaviść, jakaja stała luboŭju, pryciahalnaja Amieryka, biełaruskija masony, tatary, habrei, šlachta — ad mienskich karanioŭ da vilenskaha pavietra, ad palityki da kultury, ad naradžeńnia da pachavańnia Sołža…», — cytuje Siarhieja Dubaŭca vydaviectva Vesna ŭ dopisie pra navinku.
Vydaviec Siarhiej Šupa abiacaje, što «Stahodździe NN» litaralna dniami źjavicca ŭ internet-kniharniach knihauka.com i kamunikat.shop.
Čytajcie taksama:
Filipienka zahavaryŭ na biełaruskaj movie i paabiacaŭ na joj vydać svaju nastupnuju knihu
Jašče adno vydaviectva zajmieła sajt, dzie možna zamović knihi
Fond Kamunikat.org adčyniŭ internet-kniharniu Kamunikat.shop
