Rejs na kitajski kurort Chajnań usio adkładajuć i adkładajuć
Pieršapačatkova paloty płanavalisia sa studzienia hetaha hoda.
Kurort Chajnania. Fota: Wikimedia Commons
Rejs ź Minska na Chajnań mohuć zapuścić vosieńniu hetaha hoda. Dakładnaj daty niama z-za techničnych pytańniaŭ, paviedamlaje Respublikanski sajuz turarhanizacyj.
Start pramoha rejsa ź Minska ŭ Sańju pieranosili nie adzin raz. Paloty anansavali jašče z 16 studzienia. Apošni raz mahčymaj dataj nazyvali 25 maja.
Płanavałasia, što rejs pa maršrucie Sańja — Minsk — Sańja budzie vykonvać kitajskaja avijakampanija Beijing Capital Airlines. Anansavalisia paloty dvojčy na tydzień na samalocie Airbus A330-300.
Zaraz turysty dabirajucca da Chajnań praz Maskvu. Ceny na pražyvańnie ŭ piacizorkavych hatelach na vostravie viasnoj byli ŭ rajonie $1,5 tys. na vosiem načej na dvaich. Viasna i vosień ličacca ŭ hetym rehijonie turystyčnym siezonam.
Čytajcie taksama:
