Liceju BDU prysvojena imia Fieliksa Dziaržynskaha
Licej BDU atrymaŭ imia Fieliksa Dziaržynskaha. Raniej nazvacca ŭ honar Žaleznaha Fieliksa «vykazaŭ žadańnie» kalektyŭ niekali słaŭnaj navučalnaj ustanovy.
Pra toje, što Liceju BDU mohuć prysvoić imia Žaleznaha Fieliksa, stała viadoma ŭ sakaviku z rabočaj sustrečy dyrektarki Liceja Taćciany Mamčyc z kiraŭnictvam BDU.
Padčas sustrečy byli abmierkavanyja šlachi pavyšeńnia efiektyŭnaści prafaryjentacyjnaj raboty, pytańni ideałahičnaj i vychavaŭčaj raboty z moładździu.
Taćciana Mamčyc pieradała rektaru BDU Andreju Karalu «kalektyŭny zvarot supracoŭnikaŭ Liceja z prapanovaj ab prysvajeńni navučalnaj ustanovie imia «vydatnaha ŭradženca biełaruskaj ziamli Fieliksa Edmundaviča Dziaržynskaha», paviedamlaŭ tady telehram-kanał Liceja BDU.
Varta zaznačyć, što ideja ź Dziaržynskim nie vyhladała niečakanaj. Uvosień 2022 hoda Licej BDU razam z KDB pravodziŭ kulturna-patryjatyčny konkurs «Pieršyja siarod roŭnych». Udzielničać u im mahli vykładčyki i liceisty. Svaje talenty im prapanavali prajavić u šaści naminacyjach. U adnoj ź ich, naprykład, kankursantaŭ prasili namalavać komiks ab žyćciovym šlachu i dziaržaŭnaj dziejnaści Fieliksa Dziaržynskaha.
A sioleta kalektyŭ Liceja zładziŭ subotnik u muziei-siadzibie «Dziaržynava».
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)