«Heta ślozy». Tur padličyŭ, kolki dziaržava zarobić na kanfiskacyi majomaści biełarusaŭ, jakija źjechali z krainy
U efiry telekanała ANT prapahandyst zajaviŭ, što kolkaść tych, kaho zakranuć kanfiskacyi, nabližajecca da 1000.
Ihar Tur u efiry ANT 6 červienia 2024 hoda. Skrynšot videa
Ihar Tur nahadaŭ, što pierad vybarami ŭ Kaardynacyjnuju radu Śledčy kamitet uzbudziŭ kryminalnuju spravu, u liku jakich 257 fihurantaŭ: udzielniki elektaralnaj kampanii i arhanizatary.
«Va ŭsich budzie kanfiskavana ŭ prybytak dziaržavy nieruchomaść, jakaja aryštavana, apiačatana i zavarana. Davajcie paličym. U siarednim chaj 100 tysiač dalaraŭ za kvateru pamnožym na 257 atrymajem krychu bolš, čym 2,5 młn dalaraŭ. Kali ščyra, dla biudžetu Biełarusi — heta ślozy», — paličyŭ Tur.
Nasamreč prapahandyst pamyliŭsia z padlikam: ahulny košt 257-mi kvater pa 100 tysiač dalaraŭ budzie vyšejšym u dziesiać razoŭ — heta značyć składzie 25,7 miljona dalaraŭ.
Dalej prapahandyst zajaviŭ, što aproč fihurantaŭ «spravy KS», jość i inšyja biełarusy, u jakich na radzimie aryštavali nieruchomaść pa palityčnych spravach. Ich kolkaść, pa słovach Tura, «padychodzić da tysiačy».
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)