«Pradmiet asablivaha honaru». Minskaja milicyja raspaviała pra toj samy aŭtazak «dla VIP-asob»
Niezvyčajny aŭtazak minčuki raniej zaŭvažyli na darohach stalicy.
Fota: «Na stražie»
Staličnaja słužba kanvoju raskazała pra pakupku rasijskaha aŭtazaka PAZ.
Aŭtazak stvaryli pa indyvidualnym prajekcie śpiecyjalna dla minskaj milicyi, paviedamlaje «Na stražie».
«Śpiecyjalny transpartny srodak dla kanvairavańnia va ŭzajemadziejańni z UNVD MUS byŭ stvorany dla HUUS pa indyvidualnym prajekcie na bazie aŭtobusa PAZ i maje dzieviać paŭnacennych asobnych kamier časovaha ŭtrymańnia», — raspaviali siłaviki.
Śpiecyjalnaje padraździaleńnie pa kanvairavańni atrymała nie tolki novy aŭtazak, ale i novy budynak u Kaladzičach, niedaloka ad novaha SIZA.
Supracoŭniki SVK užo praviali «test-drajv» budynka: pravieryli mahčymaści techničnaha načyńnia (usie dźviery čypavanyja, ustalavana sistema addalenaha dostupu) i karektnaść pracy GPS-navihacyi na adlehłaści, abstalavali pakoi adpačynku. Jość u novym abjekcie niedachop — nie praduhledzieli parkoŭku dla asabistych aŭtamabilaŭ kanvairaŭ.
