U Niderłandach biełarus paraniŭ nažom troch čałaviek. Jaho aryštavali
U pryčynach zdareńnia raźbirajecca palicyja. Voś što viadoma na dadzieny momant.
Palicyjanty ŭ Niderłandach. Fota: pixabay
Jak paviedamlaje niderłandskaje ahienctva RTV Oost, u horadzie Devienter palicyja zatrymała mužčynu ź Biełarusi, jaki paraniŭ nažom adnaho miascovaha žychara i dvuch zamiežnikaŭ padčas bojki.
Pavodle ahienctva, u subotu ŭviečary 15 červienia ŭ palicyju pastupiła paviedamleńnie ab panažoŭščynie ŭ adnoj transpartnaj kampanii Devientera. Prybyŭšy na miesca, palicyjanty znajšli troch čałaviek ź lohkimi ranieńniami. Heta byli 43-hadovy mužčyna z Devientera i dvoje inšaziemcaŭ (38 i 46 hadoŭ).
Padazravany ŭ złačynstvie da momantu prybyćcia palicyi ŭžo ŭciok ź miesca zdareńnia. Paźniej uviečary jon usio ž byŭ zatrymany i źmieščany pad vartu. Im akazaŭsia 44-hadovy mužčyna ź Biełarusi, čyje matyvy ciapier vyśviatlaje śledstva.
Asnoŭnaja viersija zdareńnia — heta svarka, jakaja papiaredničała bojcy. Užo byli apytanyja śviedki i prahledžanyja zapisy kamier videanazirańnia, paviedamlaje palicyja.
Čytajcie taksama:
U Prazie inšaziemca padazrajuć u sprobie teraktu na zamovu Rasii
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)