Ministr zamiežnych spraŭ Izraila abvinavaciŭ Łukašenku ŭ antysiemityźmie
Usio z-za niadaŭnich słovaŭ Łukašenki padčas antykarupcyjnaj narady.
Łukašenka padčas niadaŭniaj antykarupcyjnaj narady. Fota: BiełTA
Kiraŭnik MZS Izraila Israel Kac prakamientavaŭ, što «zajavy Łukašenki źjaŭlajucca nieprymalnymi i aburalnymi, a jaho zaŭvahi hučać jak vyrazny antysiemityzm», pieradaje bujnoje izrailskaje ahienctva JNS.
Ahienctva adznačaje, što dyrektar departamienta Jeŭrazii izrailskaha MZS Juval Fuks užo padaŭ adpaviednuju skarhu ŭ adras pasła Biełarusi ŭ Izraili.
Nahadajem, što havoračy pra karupcyjnuju spravu z udziełam Ihara Bryło, jaki spačatku byŭ ministram sielskaj haspadarki i charčavańnia, a paśla pamočnikam Łukašenki pa Viciebskaj vobłaści, Łukašenka zhadaŭ, što razam ź im pa kryminalnaj spravie prachodziać try dziasiatki čałaviek i čamuści padkreśliŭ ich pachodžańnie.
«Voś try dziasiatki čałaviek pieraličanyja. Vy mianie prabačcie, ja nie antysiemit, ale bolš za pałovu jaŭrejaŭ. Heta što, u nas asablivaje, pryvilejavanaje stanovišča zajmajuć, što jany kraduć i nie dumajuć pra svaju budučyniu? Usie adnolkavyja pierad zakonam. I jaŭrei, i biełarusy, i ŭkraincy, ruskija i palaki», — zajaviŭ niadaŭna Łukašenka.
Čytajcie taksama:
«Maski źniatyja». U Izraili adreahavali na kałonku ŭ «Minskaj praŭdzie»
