Ci možna pieramahčy dyktaturu mirnymi pratestami ŭ 21 stahodździ? Razvažaje Frydman
U novym vypusku TOKu historyk i analityk Alaksandr Frydman tłumačyć, čym adroźnivajucca mirnyja pratesty ŭ Biełarusi ad inšych.
Na pohlad Alaksandra Frydmana, paražeńnie pratestaŭ u Biełarusi nie značyć, što mirny pratest nie moža ŭ pryncypie pieramahčy.
Jość roznyja dyktatury, roznyja čałaviečyja faktary. Chapaje prykładaŭ, kali dyktatura była pieramožanaja takim čynam.
Ale ŭ vypadku Łukašenki, adznačaje analityk, «vidavočna, što jaho pieramahčy mirnymi pratestami było niemahčyma». I heta źviazana z asablivaściami samoha dyktatara.
«Kali pahladzieć na inšych dyktataraŭ, to bolšaść ź ich u takich umovach sieli b za stoł pieramovaŭ, pačali razmaŭlać i šukać niejki kampramis. <… > Ale Łukašenka — čałaviek, jaki nie schilny da kampramisaŭ.
Tut adyhrali rolu jaho asablivaści. Heta čałaviek, jaki hatovy iści da kanca. Dla jakoha ŭłada — usio. Jon nie moža ŭjavić svajho isnavańnia pa-za miežami hetaj ułady. Tamu adkaz hetaha režymu byŭ vidavočny».
Na pohlad Frydmana, u 20-m hodzie Łukašenka, napeŭna, byŭ hatovy iści jašče dalej:
«Kali b spatrebiłasia padaŭlać pratesty bolš žorstka, kryvava, jon napeŭna, pajšoŭ by takim šlacham».
Frydman adznačaje, što ŭ śviecie zaŭvažny trend na źmianšeńnie kolkaści demakratyčnych krain, a zmahańnie z dyktaturami nikoli nie było lohkim: «Dyktatary prychodziać da ŭłady nie dla taho, kab ich źviarhali. Jany prychodziać da ŭłady i adrazu vybudoŭvajuć sistemu takim čynam, kab zastavacca pry ŭładzie jak maha daŭžej».
Hladzicie całkam:
Čytajcie taksama:
Čamu pravyja zajmieli pośpiech na vybarach u Jeŭraparłamient? I čaho čakać?
Čamu Łukašenka paprakaŭ svaich prapahandystaŭ za temu Ukrainy?
