Dla rasijan niama nikoha radniejšaha za biełarusaŭ — sacapytańnie
Rasijskija sacyjołahi z Lavada-centra ŭ mai zadali respandentam pytańnie, jakija krainy jany ličać najbolš blizkimi siabrami, sajuźnikami Rasii.
Fota: BiełTA
Najbolšaja kolkaść rasijan (81%) nazvała takoj krainaj Biełaruś. Inšyja «siabroŭskija» krainy daloka adstali — Kitaj (65%), Kazachstan (33%), Indyja (33%) i Iran (22%).
Uvohule ž stanoŭčyja adnosiny da Biełarusi zaśviedčyli ažno 95% respandentaŭ. Najbolš lubiać biełarusaŭ rasijanie stałaha ŭzrostu, a taksama ludzi ź lepšym materyjalnym stanoviščam.
Što da najbolš varožych krainaŭ, to, jak ni dziŭna, Ukraina tolki na čaćviortym miescy, jaje ličać takoj 38% rasijan. U pieršaj ža trojcy ZŠA (76%), Vialikabrytanija (51%) i Hiermanija (49%), a piataje miesca zaniała Polšča (37%).
Čytajcie taksama:
Što budzie z dalaram u Biełarusi paśla novych sankcyj Minfina ZŠA suprać Maskoŭskaj biržy
«Biełarusy, u adroźnieńnie ad rasiejcaŭ, nie pretendujuć być pieršymi ŭ śviecie. Im heta pofih»
