Piensijanierku Halinu Łahackuju pakarali chatniaj chimijaj
Sud Kastryčnickaha rajona Minska pahadziŭsia z abvinavačańniem prakuratury i pakaraŭ Halinu Łahackuju abmiežavańniem voli na dva z pałovaj hady, paviedamlajuć krynicy telekanała «Biełsat».
Halina Łahackaja
Halinu Łahackuju sudzili pa artykule 342, jaki za masavaść prazvali «narodnym» — arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich).
Žančynu vyzvalili z-pad varty ŭ sudovaj zali. Termin pakarańnia jana musić adbyvać pa miescy žycharstva.
Zatrymali Halinu Łahackuju 9 krasavika ŭ budynku ŭpraŭleńnia ŭnutranych spraŭ Kastryčnickaha rajona, kudy jaje zaprasili zabrać telefon. Jon byŭ nibyta na praviercy ŭ milicyi ažno z 2022 hoda, kali žančynu aryštavali na 25 sutak za raspaŭsiud ulotak suprać vajny.
Spravu razhladała sudździa Volha Łaŭrynovič.
Čytajcie taksama:
Za ŭdzieł u maršy piensijanieraŭ u 2020 hodzie sudziać Halinu Łahackuju
Stała viadomaja data suda nad piensijanierkaj Halinaj Łahackaj
