«Baćka maje racyju!» Što za dziaŭčyna viadzie tyktok BT?
Kab zavabić hledačoŭ, jana zapisvała naviny ŭ łaźni.
Palina Kałačyk u Barsiełonie. Fota ź jaje instahrama
Palinie Kałačyk 22 hady. Jana minčanka. Vučyłasia ŭ škole № 3 pobač ź minskim mikrarajonam Hrušaŭka. Jašče ŭ škole cikaviłasia žurnalistykaj i chadziła ŭ kłub maładych žurnalistaŭ «Ravieśnik».
Paśla pastupiła na žurfak, na śpiecyjalnaść «aŭdyjovizualnaja žurnalistyka». U 2022-m abaraniła dypłom pa temie «Trendy i pierśpiektyvy moładzievaha telebačańnia». I trapiła pa raźmierkavańni na BT.
Videa «Baćka maje racyju!» na tyktoku BT z cytataj Łukašenki pra «samych pryhožych biełaruskich žančyn»
«Ja ździviłasia, kali ŭbačyła jaje ŭ tyktoku BT. Palina była davoli aktyŭnaj va ŭniviersitecie i dobra vučyłasia. Vielmi pryjemnaja dziaŭčyna, zaŭsiody adhukałasia na prośby, była na pazityvie», — kaža dziaŭčyna, jakaja raniej vučyłasia ź joj razam.
Upieršyniu Kałačyk źjaviłasia ŭ kadry jašče va ŭniviersitecie, u prahramie «Pin_kod» ad telekanała «Biełaruś 2» (vypuski hetaj prahramy na jutubie źbirajuć pa paru dziasiatkaŭ prahladaŭ).
Palina Kałačyk u efiry pieradačy «Pin_kod» na «Biełaruś 2». Červień 2021 hoda
Na raźmierkavańni Palinie davieryli vieści tyktok.
U «Navinach z duša ŭ dušu» dziaŭčyna, siedziačy ŭ łaźni, raskazvała pra siłavuju naradu ŭ Łukašenki i Maślenicu. Palityka jana ŭ svaich rolikach nazyvaje «baćkam».
Palina Kałačyk i «naviny z duša ŭ dušu». Skrynšot z tyktoka BT
Ale ahułam kantent, jaki stvaraje dziaŭčyna, chutčej zabaŭlalny, čym palityčny.
U sacsietkach Palina pakazvaje svaje vandroŭki. Niahledziačy na pracu ŭ adnym z hałoŭnych instrumientaŭ prapahandy, adpačyvaje jana ŭ «niedružalubnych» krainach — u mai, naprykład, jeździła ŭ Italiju i Ispaniju.
Palina Kałačyk u Ispanii. Fota ź jaje instahrama
«Naša Niva» — bastyjon biełaruščyny
PADTRYMAĆČytajcie taksama:
Isłam, milicyja, BT i Łukašenka: historyja pośpiechu Ksienii Lebiedzievaj
Prapahandystka Chudalej, jakaja pracavała na žanočych maršach, zvolniłasia z STB i šukaje pracu ŭ IT
