Ułady hetaha niamieckaha horada pryznali, što jon sumny i niepryhožy
Tut amal nie byvaje turystaŭ.
Fota: Wikimedia Commons
U Rojtlinhienie ŭ fiederalnaj ziamli Baden-Viurtembierh na poŭdni Hiermanii pražyvajuć bolš za 100 000 čałaviek. Čverć staroha horada zhareła ŭ Druhuju suśvietnuju, daloka nie ŭsie kvartały adnoŭleny, piša Bild.
Tamaka amal nie byvaje turystaŭ. Miascovyja ŭłady zapuścili PR-kampaniju dla pryciahnieńnia ŭvahi da horada. Staŭku zrabili na antyrekłamu, raźmiaściŭšy na čyhunačnym vakzale i vulicach takija płakaty:
- «Na žal, pavinny tabie paviedamić: ty ŭ Rojtlinhienie»
- «Rojtlinhien nie moža tabie padabacca»
- «Žyviem tam, kudy nichto nie pryjazdžaje ŭ adpačynak»
- «Ništo tak nie sumna, jak cikavy dzień u Rojtlinhienie»
- «Jon prosta 10 z 10. Ale jon z Rojtlinhiena»
PR-śpiecyjalist Piter Hreharya ź Miunchiena zajaviŭ Bild, što takaja kampanija «pryciahvaje karotkaterminovuju ŭvahu», ale ŭsio zaležyć ad dalejšych dziejańniaŭ meryi. U najbližejšyja dni taja abiacaje sklikać pres-kanfierencyju i rastłumačyć, što aznačajuć hetyja płakaty. Na sajcie Bild zapuščana interaktyŭnaje apytańnie pra akcyju. Dźvie treci respandentaŭ padtrymali jaje, bo jana abudžaje cikavaść da horada.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)