U zabojstvie dzieviacihadovaj ukrainki ŭ Hiermanii padazrajuć uradžencaŭ Ukrainy i Małdovy
Adzin ź ich były chłopiec maci dziaŭčynki, druhi — susied siamji.
Fota: Bild
U sieradu ŭ lesie kala horada Dziobieln u Saksonii znajšli cieła 9-hadovaj Valeryi. Jana źnikła 3 červienia pa darozie ŭ škołu. Da 2022 hoda dziaŭčynka žyła va Ukrainie. Zatym jana razam z mamaj, siastroj i babulaj źbiehła ŭ Hiermaniju. Baćka zastaŭsia słužyć u USU.
Rasstańnie pryviało da razvodu baćkoŭ. Ciapier palicyja ŭziała kvatery maci i babuli pad achovu.
Pa danych Bild, u zabojstvie padazrajuć dvuch mužčyn:
Pieršy — uradženiec Małdovy Andrej, były chłopiec 33-hadovaj maci Valeryi. Jon žyvie ŭ Prazie, ale češskija śledčyja nie mohuć jaho znajści. Ranicaj u dzień zabojstva jon pisaŭ byłoj kachanaj i patrabavaŭ stelefanavacca. Pa infarmacyi Bild, jon byŭ u Dziobielnie ŭ toj dzień.
Fota: Bild
Druhi — 50-hadovy biežaniec z Ukrainy, były marak Hienadź Ł. Jon byŭ susiedam siamji dziaŭčynki. Niezadoŭha da hibieli jana paviedamlała, što jaje pieraśledvaŭ darosły mužčyna. Hienadź chacieŭ adnosin z maci Valeryi, ale atrymaŭ admovu. Paśla hetaha ŭ adpłatu jon abiacaŭ «razburyć joj žyćcio».
Palicyja FRH nie moža znajści jaho.
Čytajcie taksama:
U Hiermanii paśla tydnia pošukaŭ znajšli zabitaj 9-hadovuju ŭkrainku
