Pašynian: Ja nie naviedaju Biełaruś, pakul prezidentam budzie Łukašenka
Premjer-ministr Armienii Nikoł Pašynian zajaviŭ u parłamiencie krainy, što nastupnym łahičnym krokam u adnosinach z ADKB stanie vychad z arhanizacyi. Ale adnosiny da arhanizacyi možna źmianić, kali tam nie budzie Łukašenki.
Śviatłana Cichanoŭskaja z premjer-ministram Armienii Nikałam Pašynianam i ministram zamiežnych spraŭ Araratam Mirzajanam. Fota: pres-słužba Cichanoŭskaj
Raniej Pašynian zajaŭlaŭ, što Jerevan zamaroziŭ svoj udzieł u ADKB. 12 červienia jon skazaŭ u parłamiencie, što Armienija ŭ niejki momant vyjdzie z ADKB i nazad nie vierniecca.
Ale kali Alaksandr Łukašenka vybačycca pierad Armienijaj ci Biełaruś vyjdzie z arhanizacyi, Jerevan moža pamianiać svajo staŭleńnie da ADKB, zajaviŭ Pašynian.
Pašynian taksama zajaviŭ, što ni jon, ni jaki-niebudź inšy čynoŭnik nie naviedaje Biełaruś, pakul prezidentam tam budzie Łukašenka, praz zajavy taho ŭ Azierbajdžanie.
Jon abvinavaciŭ byłyja ŭłady krainy ŭ tym, što jany ŭstupili ŭ «sajuz — mylnuju burbałku», čalcy jakoha «z Azierbajdžanam płanavali vajnu suprać nas».
«Adzin z kiraŭnikoŭ ADKB zajaŭlaŭ, što ŭdzielničaŭ u padrychtoŭcy 44-dzionnaj vajny, padtrymlivaŭ, vieryŭ, žadaŭ pieramohi Azierbajdžana. Paśla hetaha ja pavinien abmiarkoŭvać z prezidentam Biełarusi pytańni ŭ farmacie ADKB?» — skazaŭ Pašynian.
Armianski premjer dadaŭ, što «budzie vymušany abmiarkoŭvać z Łukašenkam pytańni ŭ farmacie JEAES i SND».
Raniej Pašynian zajaviŭ, što dźvie krainy ADKB dapamahali ŭ karabachskim kanflikcie Azierbajdžanu.
Čytajcie taksama:
Biełaruskija dziaržaŭnyja ŚMI nie nazyvajuć Karabach Karabacham
Pašynian nie zastaŭsia na Parad Pieramohi ŭ Maskvie i nočču paśla sustrečy z Pucinym palacieŭ dadomu
Biełaruskija dziaržaŭnyja ŚMI nie nazyvajuć Karabach Karabacham
Łukašenka choča zabudavać Nahorny Karabach ahraharadkami
Armienija sastupić niekalki viosak Azierbajdžanu, kab praduchilić novuju vajnu
