Kiraŭnika mahiloŭskaj firmy žorstka zatrymali nibyta za kamientary
Videa z zatrymanym apublikavaŭ adzin z rehijanalnych praŭładnych telehram-kanałaŭ. Na im mužčyna havoryć, što kiruje arhanizacyjaj, jakaja vyrablaje ščytavoje abstalavańnie. «Miedyjazona» znajšła staronku zatrymanaha ŭ sacsietkach, tam jon padpisany jak Andrej Sinicyn.
Andrej Sinicyn na videa havoryć, što jon nibyta ŭ niekalkich telehram-kanałach pakidaŭ «destruktyŭnyja kamientary pra dziejnuju ŭładu i rasijskich vajskoŭcaŭ». Videa zmantavana na fonie biełaruskaha i rasijskaha dziaržaŭnych ściahoŭ.
Pakazali ŭ roliku i zatrymańnie mahiloŭca, pakazalna žorstkaje. Da jaho padbiehli dvoje siłavikoŭ u broniekamizelkach, bałakłavach i sa zbrojaj. Adzin ź ich udaryŭ Andreja pa nazie, a paśla taho, jak jon upaŭ na kaleni, siłaviki załamali jamu ruki za śpinu i načapili kajdanki.
Čytajcie taksama:
Za ŭdzieł u paślavybarčych akcyjach pratestu zatrymali žychara Salihorska
Pravaabaroncu Leanida Sudalenku zavočna sudziać za sadziejničańnie ekstremisckaj dziejnaści
Palitviaźniu Dzianisu Dzikunu dadali 2 hady kałonii pa novaj kryminalnaj spravie
