Izrail uvodzić elektronnyja dazvoły na ŭjezd — dla biełarusaŭ taksama
Novyja praviły zapracujuć z 1 žniŭnia.
Aeraport Bien-Huryjona ŭ Tel-Avivie
Izrail płanuje ŭkaranić novaŭviadzieńni ŭ praviły ŭjezdu dla turystaŭ, stała viadoma niekalki miesiacaŭ tamu. Novaja sistema ŭklučaje ŭ siabie ŭviadzieńnie elektronnaha dazvołu na ŭjezd (ETA), što budzie abaviazkovym dla ŭsich turystaŭ, piša Onliner.by.
Jaho daviadziecca atrymlivać naohuł usim: i biełarusam, dla jakich u Izraili dziejničaje biaźvizavy režym, taksama. I voś kali i jak pryjdziecca heta rabić.
ETA-IL dla hramadzian usich krain u testavym režymie zapuściać 1 lipienia. Z hetaha dnia vandroŭcy zmohuć padavać zajaŭku na elektronny dazvoł. Abiacajuć, što razhladać jaje buduć na praciahu troch sutak, adnak u niekatorych vypadkach termin čakańnia moža raściahnucca i na tydzień. Hatovaje ETA treba budzie pakazać supracoŭniku imihracyjnaj słužby ŭ aeraporcie.
Da 31 lipienia ETA jašče nie budzie abaviazkovym. A voś z 1 žniŭnia bieź jaho ŭ Izrail nie trapicie. Vyklučeńnie robiać tolki dla dypłamataŭ, marakoŭ, ekipažaŭ samalotaŭ i hramadzian Izraila, jakija ŭjazdžajuć pa pašparcie inšaj krainy.
Padača na elektronny dazvoł płatnaja-kaštuje 25 Izrailskich šekielej (heta kala $7 abo 22 rubloŭ).
Važna adznačyć, što ETA budzie sapraŭdny na praciahu dvuch hadoŭ abo da zakančeńnia terminu dziejańnia pašparta. Adnak prava na doŭhaterminovaje znachodžańnie ŭ krainie jano nie daje. Turysty zmohuć znachodzicca ŭ Izraili nie bolš za 90 dzion u kožnym paŭhodździ.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)