Ukrainski mer-kałabarant Macahora, mahčyma, jašče žyvy
Rasijskaje vydańnie «Miediazona» vyśvietliła, što pieršasnaje paviedamleńnie pra śmierć byłoha mera ŭkrainskaha horada Kupianska na Charkaŭščynie Hienadzia Macahory, jaki ŭ lutym 2022 hoda zdaŭ horad Rasii i na jakoha 8 červienia byŭ ździejśnieny zamach, było, chutčej za ŭsio, fejkavym.
Hienadź Macahora
Infarmacyja pra śmierć Hienadzia Macahory śpiarša źjaviłasia ŭ akaŭncie nibyta jahonaj maci ŭ VKontakte, a šyroka raspaŭsiudziłasia jana paśla taho, jak pra heta napisali prakramloŭskija telehram-kanały Mash, Baza i Shot.
Adnak ža «Miediazona» vyśvietliła, što toj akaŭnt, u jakim źjaviłasia pieršasnaja infarmacyja, byŭ fejkavym.
Pavodle infarmacyi žurnalistaŭ, jašče ŭ kancy krasavika hetaja staronka naležała karystalniku ź imiem Nik Bondar. Ale paźniej profil byŭ źmienieny, i ciapier tam jość tolki adna fatahrafija žančyny z adzinym pastom — pra śmierć Hienadzia Macahory.
Pradstaŭnik vajskovaj vyviedki Ukrainy Andrej Jusaŭ spačatku paćvierdziŭ śmierć byłoha mera u kamientary teleradyjokampanii «Suśpilnie», ale paśla ŭdakładniŭ, što infarmacyja jašče patrabuje paćviardžeńnia.
Aficyjna pra śmierć vysokapastaŭlenaha kałabaranta pakul nie paviedamlałasia.
Čytajcie taksama:
Paśla zamachu pamior mer ukrainskaha Kupianska, jaki zdaŭ horad Rasii
Byłoha mera Kupianska, jaki źbieh u Rasiju, sprabavali zastrelić — jon u krytyčnym stanie
U akupavanym Biardziansku ŭzarvali supracoŭnika kałonii, jaki katavaŭ ukrainskich pałonnych
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)