Pa inicyjatyvie Hienprakuratury stvorać rejestr dla arhanizataraŭ dziciačaha letniaha adpačynku
U Biełarusi raspracoŭvajucca papraŭki ŭ zakanadaŭstva, jakija rehuluje śfieru adpačynku i zabaŭ dla dziaciej. Akazvać takija pasłuhi nadalej zmohuć tolki jurydyčnyja asoby, uklučanyja ŭ śpiecyjalny rejestr. Inicyjataram źmienaŭ u rehulavańni dziciačaha adpačynku vystupiła Hienprakuratura.
Fota ilustracyjnaje
Hienprakuratura, pravioŭšy šmatlikija pravierki ŭ letnich łahierach, vystupiła ź inicyjatyvaj uzmacnieńnia strohaści rehulavańnia ŭ śfiery dziciačaha adpačynku.
Miarkujučy pa ŭsim, ciapier tak zvanyja «stychijnyja łahiery» buduć zabaronienyja, a ažyćciaŭlać hetuju dziejnaść zmohuć tolki ŭklučanyja ŭ śpiecyjalny rejestr arhanizacyi.
«U hety rejestr buduć uklučany tolki tyja jurydyčnyja asoby, jakija stvorać usie ŭmovy dla biaśpiečnaha znachodžańnia dziaciej», — prakamientavaŭ inicyjatyvu namieśnik dyrektara Respublikanskaha centra pa azdaraŭleńni i sanatorna-kurortnym lačeńni nasielnictva Alaksandr Caj.
Asnoŭnym patrabavańniem nibyta budzie zabieśpiačeńnie supraćpažarnaj biaśpieki i sanitarna-epidemijałahičnych normaŭ. Ale, jak pakazvaje praktyka, asoby, jakija pravodzili ŭ pryvatnych dziciačych łahierach pravierki, cikaviŭ taksama i ideałahičny aśpiekt. Tak, u adnym z łahieraŭ na Lidčynie abureńnie vyklikali nadpisy na anhlijskaj i niamieckaj movach u pakojach, a taksama ściažok Hiermanii.
Čytajcie taksama:
Dziciačy łahier na Lidčynie zakryli z-za nadpisaŭ pa-anhlijsku i ściažka Hiermanii
Čynoŭniki ŭzialisia za pryvatnyja dziciačyja łahiery — abiacajuć žorstkija rejdy
«Biełaruśfilm» źniaŭ multfilm pra vajnu — zapaŭniać zały dziećmi buduć administracyjnymi mietadami
