U Babrujsku pad kołami aŭto zahinuŭ aŭtarytetny doktar-ankołah
Darožna-transpartnaje zdareńnie adbyłosia ŭ paniadziełak na vulicy Koŭzana.
«38-hadovy kiroŭca Opel, ruchajučysia pa žyłoj zonie, najechaŭ na 52-hadovaha mužčynu, jaki išoŭ pa abočynie ŭ spadarožnym kirunku. U vyniku DTZ piešachod ad atrymanych traŭmaŭ pamior. Kiroŭca ź miesca zdareńnia ŭciok, adnak byŭ chutka zatrymany», — paviedamlałasia ŭ milicejskaj zvodcy.
komkur.info
Vielmi chutka vyśvietliłasia, što pad koły aŭto trapiŭ viadomy miascovy doktar Siarhiej Nikicin, piša komkur.info.
Siarhiej Hienadzievič pracavaŭ doktaram-renthienołaham (v.a. zahadčyka) adździaleńnia pramianiovaj dyjahnostyki ŭ Babrujskim mižrajonnym ankałahičnym dyspansiery (BMAD). Taksama pracavaŭ u miedycynskim centry «Tary».
Karystalniki sacsietak vykazvajuć słovy smutku i spačuvańni.
«Zahinuŭ dobry čałaviek, vydatny doktar i zahadčyk adździaleńnia pramianiovaj dyjahnostyki ŭ «BMAD». Ziamla vam pucham, pavažany Siarhiej Hienadzievič, i carstva niabiesnaje! Ad usiaho kalektyvu samyja hłybokija spačuvańni rodnym i blizkim zahinułaha. …heta žudasnaja strata dla ŭsiaho horada».
«Heta žudasna, heta byŭ najlepšy doktar-ankołah u Babrujsku. Chaj ziamla budzie pucham».
«Vielmi sumna dla ŭsiaho horada, stracić takoha čałavieka, doktara-śpiecyjalista. Spačuvańnie siamji».
«Samyja hłybokija spačuvańni rodnym i blizkim. Ziamla vam pucham darahi Siarhiej Hienadzievič. Vy byli adnym z najlepšych. Vialikija nadziei, što vinavaty budzie pakarany pa ŭsioj strohaści zakona».
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)