U Homieli chłopiec pieravoziŭ u aŭtobusie vialikuju źmiaju prosta ŭ siabie na plačy. Chiba tak možna?
Videa apublikavaŭ pablik «Homiel. Hłavnoje!». Tam adznačajuć, što niezvyčajny pasažyr byŭ zaŭvažany ŭ homielskim aŭtobusie 21-ha maršrutu, pišuć «Mocnyja naviny».
Skrynšot ź videa
Bačna, što małady čałaviek pieravoziŭ źmiaju prosta ŭ siabie na plačy. Niahledziačy na spakojny vyhlad reptylii i cikavaść mnohich pasažyraŭ, uźnikaje słušnaje pytańnie — ci možna tak pieravozić źmiaju?
U «Homielabłpasažyrtransie» na zapyt adnosna hetaha pytańnia nahadali ab praviłach pasažyrskich pieravozak. U hetym dakumiencie, maŭlaŭ, niama pramoj zabarony na pieravozku źmiej, ale biantežyć sposab pieravozki.
Hadavaniec u takim vypadku pavinien być u kletcy, sumcy abo miašku, ale nijak nie na plačy.
Čytajcie taksama:
U Indaniezii hihancki piton prahłynuŭ žančynu
Na aŭkcyjonie ŭ Smalavičach buduć bicca za prava zdabyvać hadziuk
Pad Lachavičami ŭ viaskovuju kramu prypaŭzła źmiaja. Daviałosia vyklikać ratavalnikaŭ
