U Tajłandzie pieradumali rabić ujezd u krainu płatnym
Z červienia z usich turystaŭ, jakija pryjazdžajuć u Tajłand, źbiralisia spahaniać admysłovy zbor. Adnak premjer-ministr krainy Streta Tavisin zajaviŭ, što jahony ŭrad admovicca ad hetaj prapanovy, vyłučanaj papiaredniaj administracyjaj, piša miascovaje vydańnie The Nation.
Zdymak ilustracyjny. Fota: vecteezy.com
Płanavałasia, što dla tych, chto pierasiakaje miažu na samalocie, zbor pavinien byŭ skłaści kala 9 dalaraŭ, a pa sušy — udvaja tańniej.
Jak patłumačyŭ premjer Tajłanda, hetuju inicyjatyvu nie padtrymali pradstaŭniki pryvatnaha siektara. U vyniku spahnańnie zboru z turystaŭ «moža prynieści karotkaterminovy dachod», ale ŭ doŭhaterminovaj pierśpiektyvie moža skaracić turystyčny patok.
Na dumku Streta Tavisina, vydatki na pakupki i volny čas turystaŭ macniej prastymulujuć tajłandskuju ekanomiku, čym uviadzieńnie zboru.
Čytajcie taksama:
Biełaruś uvajšła ŭ top-50 krain u rejtynhu suśvietnaha turyzmu
Biełarus zabłukaŭ u tajłandskim lesie, jaho šukali ŭsiu noč
Paru ź Biełarusi vykrali i abrabavali rasijanie ŭ Tajłandzie
