Amal 60% biełarusaŭ z pačatku hoda sutyknulisia z kibieratakami
Biełaruś apynułasia na druhim miescy siarod krain SND, dzie čaściej za ŭsio atakavali internet-karystalnikaŭ — 59,79% paciarpiełych. Pra heta raskazała kampanija Kaspersky ŭ spravazdačy «Łandšaft pahroz dla Rasii i SND».
Na pieršym miescy pa doli kibieratak Tadžykistan— 60,69%. Na trecim radku — Turkmienistan z pakazčykam u 59,55%. Mienš za ŭsio atakavali anłajn u Armienii — 44,21%.
Aŭtary spravazdačy ličać, što złamyśniki zvyčajna dziejničajuć pa zvykłych scenarach i atakujuć najmienš abaronienyja z punktu hledžańnia kibierbiaśpieki arhanizacyi. Naprykład, jany ekspłuatujuć užo dobra viadomyja i raspaŭsiudžanyja słabyja miescy ŭ prahramach, jakimi karystajucca šmatlikija arhanizacyi.
Ekśpierty źviartajuć uvahu, što, akramia techničnych srodkaŭ abarony ad kibieratak, varta pavyšać kulturu ličbavaj biaśpieki supracoŭnikaŭ, bo časta ataki stanoviacca mahčymyja praz čałaviečy faktar.
Čytajcie taksama:
Biełarusy ŭvajšli ŭ top kibierzłačynnaści śvietu
Biełaruskija chakiery dapamahajuć rasijskim śpiecsłužbam vieści kibierataki na Ukrainu
«Kibierpartyzany» ŭzłamali ŭnutranuju sietku BDU i panazirali, jak tam kruciacca žorny represij
