Varšaŭski sud vydaŭ jeŭrapiejski ordar na aryšt sudździ Šmita
Akruhovy sud Varšavy vypisaŭ jeŭrapiejski ordar na aryšt źbiehłaha ŭ Biełaruś eks-sudździ Tomaša Šmita. Heta aznačaje, što Šmita pavinny aryštavać i pieradać Polščy pry ŭjeździe ŭ lubuju z krain Jeŭrasajuza.
Tomaš Šmit. Fota: BiełTA
«Akruhovy sud u Varšavie na padstavie chadajnictva prakurora z adździeła baraćby z arhanizavanaj złačynnaściu ŭ Mazavieckim vajavodstvie vydaŭ 6 červienia jeŭrapiejski ordar na aryšt Tomaša Šmita, jaki padazrajecca ŭ špijanažy», — havorycca ŭ paviedamleńni Nacyjanalnaj prakuratury Polščy.
Raniej padobny ordar admoviŭsia vypisać Interpał. Pryčynaj admovy staŭ artykuł 3 statuta arhanizacyi, jaki zabaraniaje joj «ažyćciaŭlać jakoje-niebudź umiašańnie abo dziejnaść palityčnaha, vajennaha, relihijnaha abo rasavaha charaktaru».
Čytajcie taksama:
Sudździa-pierabiežčyk Šmit tak nachvalvaŭ Łukašenku, što načysta zabyŭsia pra chranałohiju padziej
Zatknie za pojas Kačanavu — jak polski pierabiežčyk Šmit chvalić Łukašenku
U Šmita jość «tajemnaja dziaŭčyna», jakaja mahła być jaho kantaktam z KDB
Źbiehły sudździa Šmit choča atrymać biełaruskaje hramadzianstva. Ale maje adnu ŭmovu
