Palitviaźnia zatrymali prosta na vychadzie z kałonii
Jaho buduć sudzić za «złosnaje niepadparadkavańnie administracyi».
39-hadovaha Siarhieja Dziacuka pieršapačatkova zatrymali ŭ sakaviku 2021 hoda. Tady siłaviki pryjšli zatrymlivać jaho maci, chacieli adabrać jaje telefon. Na abaronu maci staŭ jaje syn Siarhiej, piša «Viasna».
U vyniku jaho abvinavacili ŭ «hvałcie albo pahrozie prymianieńnia hvałtu ŭ dačynieńni da supracoŭnika orhanaŭ unutranych spraŭ» (art. 364 KK). Mužčynie pryznačyli try hady kałonii. Termin jon adbyvaŭ u barysaŭskaj kałonii № 14.
Pa infarmacyi «Homielskaj Viasny», Siarhiej musiŭ vyjści na volu pa zakančeńni terminu ŭ sakaviku 2024 hoda. Ale adrazu pa vychadzie jaho zatrymali ŭ miežach novaj kryminalnaj spravy pa art. 411 KK (złosnaje niepadparadkavańnie patrabavańniam administracyi kałonii).
20 červienia ŭ sudzie Barysaŭskaha rajona pačniecca sud nad Siarhiejem. Spravu budzie razhladać sudździa Ludmiła Zinkievič.
Čytajcie taksama:
Jaŭhiena Afnahiela viarnuli z turmy ŭ navapołackuju kałoniju. Ź im užo miesiac niama suviazi
Palitźniavolenaha žurnalista Dzianisa Ivašyna źmiaścili ŭ ŠIZA
Stała viadomaja data suda nad piensijanierkaj Halinaj Łahackaj
Apielacyju žurnalista Karnieja adchilili, jon rychtujecca da kałonii, skardzicca na cyharetny dym
«Psichałahičny stan vielmi składany». Źjavilisia naviny pra palitźniavolenuju Šarendu-Panasiuk
