Zamiest Jeŭra-2024 na biełaruskich kanałach — hulni BRIKS, plažny futboł i čempijanat Brazilii

Raniej Ministerstva infarmacyi «dazvoliła» pakazvać tranślacyi Jeŭra-2024 biez zhody pravaŭładalnikaŭ. Adnak UEFA zajaviŭ, što kali ŭ Biełarusi buduć pa-piracku pakazvać matčy čempijanatu Jeŭropy pa futbole, to arhanizacyja całkam spynić finansavuju padtrymku biełaruskich futbolnych arhanizacyj.

I ŭ Minsku nie znajšłosia navat umoŭna pryvatnych telekampanij, u adroźnieńnie ad Rasii, jakija mahli b atrymać televizijnyja pravy na pakaz futbolnych pajadynkaŭ.

Tamu ŭ prahramie pieradač na «Biełaruś-5» i inšych kanałach futboła niama.

Zamiest čempijanatu Jeŭropy buduć pakazvać hulni BRIKS* z Kazani, čempijanat Biełarusi pa futbole (što ŭ pryncypie niabłaha), plažny futboł i navat čempijanat Brazilii.

Tak, u piatnicu a 22-j hadzinie adbudziecca matč adkryćcio čempijanatu Jeŭropy Hiermanija — Šatłandyja. Biełaruś-5 budzie pakazvać sinchronnaje płavańnie i samba.

U subotu na Jeŭra-2024 adbudziecca try matčy: Vienhryja — Šviejcaryja (16:00), Ispanija — Charvatyja (19:00), Italija — Ałbanija (22:00)

«Biełaruś-5» prapanuje nastupnaje:

tv.belta.by

U niadzielu na Jeŭra-2024 taksama try matčy: Polša — Niderłandy (16:00), Słavienija — Danija (19:00), Sierbija — Anhlija (22:00).

Tv.belta.by

Hulni BRIKS — Hulni, jakija projduć z 11 pa 24 červienia ŭ Kazani (Rasija), adnak udzieł u ich voźmuć nie tolki krainy BRIKS (Brazilija, Rasija, Indyja, Kitaj, PAR. Jehipiet, Iran), ale i inšyja krainy (usiaho 93), u tym liku Biełaruś. Spabornictvy projduć pa 27 vidach sportu, udzieł voźmuć 3500 spartoŭcaŭ. Rasiju pradstaviać 635 spartoŭcaŭ, Biełaruś — 200.

Čytajcie taksama:

«Čakaŭ ubačyć inšaje, a tut tomnaja abyjakavaść» — rasijski žurnalist pra atmaśfieru matča Biełaruś — Rasija, jaki nazvali «hulnioj hoda»

Hiermanija ŭviała kantrol na miažy na čas čempijanatu Jeŭropy pa futbole

Biełaruś razhromna prajhrała Rasii 0:4 — na ŭpieršyniu za doŭhi čas zapoŭnienym «Dynama» VIDEA hałoŭ

Mininfarmacyi dazvoliła pakazvać Lihu nacyj i tavaryskija matčy biez zhody UEFA

Supierkampjutar pravioŭ 10 tysiač simulacyj i daŭ prahnoz, chto vyjhraje Jeŭra-2024

Nashaniva.com

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

2

2

13

0

2

7