U Viciebsku ŭviali dres-kod dla kiroŭcaŭ maršrutak
Užo ź siońniašniaha dnia, 10 červienia, dziaržpradpryjemstva «Apieratar pieravozak» u Viciebsku pačało ŭzmocnieny kantrol za maršrutkami. Asablivaja ŭvaha budzie nadavacca vonkavamu vyhladu kiroŭcaŭ.
Jak adznačaje apieratar pieravozak, u kiroŭcaŭ maršrutak pavinien być achajny dziełavy źniešni vyhlad. Padčas pracy — nijakich šortaŭ, plažnych majek, słancaŭ, chatniaj i spartyŭnaj adzieńnia. Rekamiendavany forma adzieńnia — bieły vierch, ciomny niz, piša abw.by.
Taksama budzie kantrol za sanitarnym stanam maršrutak, źniešnim i ŭnutranym stanam. Da parušalnikaŭ, jak paviedamlaje apieratar, buduć prymianiacca štrafy.
Takija miery pryniaty pierad padrychtoŭkaj da fiestyvalu «Słavianski bazar», jaki adbudziecca z 9 pa 15 lipienia ŭ Viciebsku, śviatkavańniem 1050-hodździa Viciebska i XI forumam rehijonaŭ Rasii i Biełarusi.
U Viciebsku navat jość ceły zbor praviłaŭ «Patrabavańni da kiroŭcaŭ i transpartnych srodkaŭ padčas kulturnych padziej u horadzie».
