Jak reahavać biełarusam na niazručnaści na miažy? Pazicyja Čałaha
«Pytańnie nie ŭ tym, kab ciarpieć, a ŭ tym, kab razumieć, jakija staŭki».
Siarhiej Čały. Skryn videa chaly_live / YouTube
U novym vypusku tok-šou «Noč z Čałym» siarod inšaha abmiarkoŭvali situacyju na miažy. Na pohlad ekanamista, biełarusam ničoha nie zastajecca, jak prymać jaje takoj, jakaja jana jość.
«Kažuć: a davajcie my prydumajem absalutna vysokadakładnuju zbroju, jakaja budzie paražać tolki drennych ludziej. Na žal, heta nie pracuje», — zaŭvažaje ekanamist.
Na pytańnie, ci nie varta było b stvaryć dla biełarusaŭ bolš mahčymaściaŭ dla padarožžaŭ, atrymańnia adukacyi, abmienu dośviedam z zamiežnikami, Čały adkazaŭ:
«Heta ŭsio było b dobra, kali my za dužki vynosim vajnu. Kali havorka idzie pra palitviaźniaŭ, katavańni, skradzienyja vybary, heta sapraŭdy dobry arhumient. Ale kali idzie havorka pra ŭdzieł u vajnie, tut pačynajuć pracavać ekanamičnyja miechanizmy — treba prydumać niešta, što ŭskładnić mahčymaść udziełu ŭ hetaj vajnie».
Ekanamist zaŭvažyŭ, što jamu vielmi b nie chaciełasia, kab biełarusy pačynali akazvacca ŭ situacyi ruskich, jakija ździŭlajucca «a nas za što, što zdaryłasia?».
«Treba razumieć, što jość dosyć aburalnaja i biezzvarotnaja reč — adbyłasia padzieja, jakaja parušyła ŭsie normy ŭładkavańnia śvietu paśla času Jałty. I raskazvać pra toje, što «moža, vy niejak z hetym budziecie zmahacca, ale kab pry hetym my na sabie ničoha nie adčuli»?
Pa słovach Čałaha, «pytańnie nie ŭ tym, kab ciarpieć, a ŭ tym, kab razumieć, jakija staŭki». Sproby syści ŭ byt, pytańni «za što ž mianie?» ekanamist ličyć naturalnaj reakcyjaj. Ale treba razumieć, što heta posttraŭmatyčnaja reakcyja.
«Nie treba prymać aktualnuju situacyju za narmalnaść. My ŭsie źjaŭlajemsia ludźmi, jakija pieražyvajuć i kalektyŭnuju, i piersanalnuju, i roznyja inšyja traŭmy. U kožnaha svaje stratehii z hetym spraŭlacca. Kali pra heta nie dumać, to tady heta vyrastaje ŭ ahresiŭnuju reakcyju ź sieryi «a čaho heta z-za vas mnie niazručna stała praź miažu jeździć».
Čytajcie taksama:
Čały sprahnazavaŭ, što budzie ŭ krainie, kali Łukašenki nie stanie, i da čaho rychtavacca biełarusam
Ci jość šaniec na adlihu da sychodu Łukašenki? Razvažaje Čały
Čały patłumačyŭ, čym byŭ karysny Miaśnikovič u čas pracy z Łukašenkam
