U MZS pakryŭdzilisia, što Biełaruś nie zaprasili mierapryjemstvy ŭ Narmandyju
Pamiatnyja mierapryjemstvy, pryśviečanyja 80-hodździu vysadki vojskaŭ sajuźnikaŭ u Narmandyi, prajšli ŭ Francyi 6-7 červienia. Biełaruskuju i rasijskuju delehacyi nie zaprasili. U MZS Biełarusi prakamientavali heta.
Kirył Hrušeŭski, časovy pavierany ŭ spravach Biełarusi ŭ Francyi
Kirył Hrušeŭski, časovy pavierany ŭ spravach Biełarusi ŭ Francyi havoryć, što Biełaruś na pamiatnyja mierapryjemstvy ŭ Narmandyju navat nie zaprasili, francuzskija arhanizatary pamiatnaha mierapryjemstva navat nie sprabavali źviazacca ź biełaruskaj ambasadaj. Na jaho dumku, taki krok z boku Francyi «supiarečyć sutnaści hetaj pamiatnaj daty».
«Hetaje rašeńnie my razhladajem jak niekanstruktyŭny i pamyłkovy krok z boku Francyi, hetaje rašeńnie zjaŭlajecca čarhovym paćviardžeńniem niedružalubnaj palityki Paryža ŭ dačynieńni da našaj dziaržavy. U ŚMI Francyi na praciahu miesiaca zjaŭlalisia samyja supiarečlivyja zajavy ab ich namierach adpravić zaprašeńnie. U Jelisiejskim pałacy vidavočna vahalisia, razumiejučy absurdnaść adsutnaści na pamiatnych mierapryjemstvach pradstaŭnikoŭ krain, jakija ŭnieśli vialiki ŭkład u Pieramohu. Tym nie mienš, jany pajšli na heta dziela svaich palityčnych ambicyj», — kaža dypłamat.
Jon śćviardžaje, što «ŭ samoj Francyi mnohija zvyčajnyja žychary, palityki, ekśpierty razumiejuć sutnaść taho, što adbyvajecca, i nazyvajuć dadzienaje rašeńnie ab niezaprašeńni aburalnym i haniebnym».
Čytajcie taksama:
Sproba sfarmavać rehijanalnaje łobi ŭ Rasii? Dziŭnaści vizitu Łukašenki ŭ Irkuck
