KDB zatrymaŭ padletkaŭ, jakija rabili vybuchoŭki. Prapahandysty vinavaciać ich u padrychtoŭcy teraktaŭ
Telekanał ANT pakazaŭ siužet pra zatrymańnie nibyta dziasiatka padletkaŭ ź Viciebska i Mahilova, jakija cikavilisia vyrabam vybuchoŭki, uzryvali ŭ lesie «banački z-pad jodu» i zdymali vybuchi na telefon. Prapahanda dadała ŭ siužet IDIŁ, nieanacyzm, Hitlera, a taksama ŭkraincaŭ.
Padletak ź Viciebska, jaki znachodzicca ŭ SIZA. Jaho vinavaciać pa dvuch artykułach — niezakonnyja dziejańni ŭ dačynieńni da vybuchovych rečyvaŭ i padrychtoŭka da aktu teraryzmu.
Aŭtary siužeta havorać pra dziasiatak zatrymanych padletkaŭ, u siužecie pakazali traich — dvuch padletkaŭ z Mahilova i adnaho ź Viciebska. Pamiž saboj jany nie źviazanyja.
Chłopcy raspaviadajuć, što im padabałasia hladzieć na vybuchi, tamu jany šukali ŭ internecie, jak zrabić vybuchoŭku. Aŭtary siužeta pierabivajuć ich raspovied kadrami padpałaŭ, nacysckaj chroniki i navat Hitlera. Pavodle infarmacyi prapahandystaŭ, padletki nibyta dziejničali pad kantrolem «ukrainskich nacysckich hrupovak», stvarali dla ich kopii telehram-kanałaŭ i pieradavali hetyja kanały va ŭpraŭleńnie.
«Zrabili ŭsio, kab žyćcio svajo pakłaści na ałtar čužoj strašnaj infarmacyjnaj vajny, u jakoj kožny ź ich šaściorka, pieška i raźmiennaja manieta», — havorać prapahandysty.
Aŭtary siužeta śćviardžajuć, što padletkaŭ zatrymali pa zapycie zachodnich śpiecsłužbaŭ. Nibyta ŭ KDB Biełarusi źviarnułasia «adna z samych mahutnych zachodnich śpiecsłužbaŭ» i zapytała dapamohu i sadziejničańnie ŭ vyjaŭleńni ŭdzielnikaŭ telehram-kanałaŭ, dzie raspaŭsiudžvałasia infarmacyja ab vyrabie vybuchoŭki.
Padletki z Mahilova nie dasiahnuli ŭzrostu adkaznaści, a padletak ź Viciebska znachodzicca ŭ SIZA. Jaho vinavaciać pa dvuch artykułach — niezakonnyja dziejańni ŭ dačynieńni da vybuchovych rečyvaŭ i padrychtoŭka da aktu teraryzmu.
Čytajcie taksama:
KDB masava zatrymlivaje čyhunačnikaŭ za fota avaryi, jakuju chacieli ŭtaić
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)