«Hatovy vykanać bajavuju zadaču». U Biełaruś pryjechali rasijskija tanki T-34
U Minabarony zapeŭnivajuć, što mašyny znachodziacca ŭ vydatnym techničnym stanie.
Fota: Minabarony
U Biełaruś pryvieźli dziesiać rasijskich tankaŭ T-34 časoŭ Druhoj suśvietnaj vajny.
Hetyja bajavyja mašyny prymuć udzieł u paradzie ŭ Minsku 3 lipienia. Tanki prybyli ŭ Biełaruś na ešałonach, piša Minabarony.
Namieśnik načalnika ŭzbrajeńnia biełaruskaj armii Siarhiej Tomčyk zajaviŭ, što T-34 znachodziacca ŭ vydatnym techničnym stanie.
«Tanki T-34, jakija prybyli z Rasijskaj Fiederacyi, znachodziacca ŭ vydatnym techničnym stanie i hatovy nie tolki prajści ŭračystym maršam na paradzie, ale i pry nieabchodnaści vykanać bajavuju zadaču», — adznačyŭ pałkoŭnik.
Pavodle jaho słoŭ, tanki ŭžo z nastupnaha tydnia buduć prymać udzieł u repietycyjach.
Jak paviedamlałasia raniej, u paradzie 3 lipienia ŭ Minsku ŭpieršyniu prymuć udzieł raźliki «Iskanderaŭ», jakija zdolnyja nieści taktyčnuju jadziernuju zbroju.
Čytajcie taksama:
Vajskoŭcy dali spravazdaču pra vučeńni ź jadziernaj zbrojaj
Jašče adna sproba zapałochać Zachad. Navošta Pucin pryjazdžaŭ u Minsk
