Pamior sabaka Vasia. Jon słužyŭ z ukrainskimi vajskoŭcami i adhryz sabie łapu, kab viarnucca da ich
Jamu zrabili pratezavańnie. Na žal, serca sabaki nie vytrymała.
Fota Anastasii Zaviaruchi
Va Ukrainie z-za ciažkoj chvaroby pamior sabaka Vasia. Z 2016 hoda jon słužyŭ z ukrainskimi vajskoŭcami na Danbasie, trapiŭ u pastku, adhryz sabie łapu, kab vybracca ź jaje, piša «Nastojaŝieje vriemia».
«Čaćvieranohi voin prajšoŭ praciahłuju reabilitacyju ŭ Polščy, dzie jamu zrabili pratezavańnie. Na žal, serca sabaki nie vytrymała — jon pamior ad ciažkaj chvaroby», — skazana ŭ paviedamleńni.
Haspadynia Vasi (paroda kanie-korsa) Anastasija Zaviarucha kazała, što jaje muž Raman znajšoŭ sabaku na vulicy. Pavodle jaje słoŭ, papiaredni haspadar «chacieŭ paviesić» sabaku.
Pomier ukrajinśkij pies-roźvidnik Vasia, jakij vidhriz sobi łapu, abi vtiekti z połonu okupantiv
Čotiriłapij vojin prochodiv dovhu rieabilitaciju u Polŝi, die jomu zrobili protiezuvańnia. Na žal, siercie piesika nie vitrimało - vin pomier vid važkoji chvorobi.
Anastasija Zavierucha pic.twitter.com/ulzDZBS4yZ
Z 2016 hoda Raman razam z Vasiem dałučylisia da šerahaŭ Uzbrojenych sił Ukrainy, słužyli ŭ 503-m asobnym bataljonie marskoj piachoty, jaki zajmaŭsia raźviedkaj.
U listapadzie 2021-ha Vasia źnik u rajonie Marjinki Danieckaj vobłaści. Vajskoŭcy šukali sabaku z dapamohaj dronaŭ. Akazałasia, što sabaka trapiŭ u pastku, zabłytaŭsia ŭ provadzie kala linii raźmiežavańnia.
«Vasia viarnuŭsia sam. Jon adhryz adnu łapu i prypoŭz da svaich, u jaho šyja taksama była parvanaja», — raspaviadała haspadynia sabaki.
Vasiu zrabili apieracyju ŭ Polščy, tam ža jamu vyrabili pratez. Paśla kursu reabilitacyi jon viarnuŭsia va Ukrainu da svaich haspadaroŭ.
