Siońnia nad Minskam bačyli vichor. Sinoptyki rastłumačyli, z čym heta źviazana
U Minsku pabačyli «tarnada», vidavočcy hetaj źjavy siońnia ščodra dzialilisia ŭnikalnymi fatahrafijami i videa ŭ sacyjalnych sietkach. Inžynier-sinoptyk Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Julija Łučynovič raskazała BiełTA, jak pravilna nazyvajecca heta redkaja pryrodnaja źjava i ci varta jaje bajacca.
«Ciapier pablizu Minska raźmieščany słabavyražany centr cykłona, jaki sfarmiravaŭsia ŭ vilhotnaj i ciopłaj pavietranaj masie bolš paŭdniovych šyrot. I choć kantrasty tempieratur siońnia niaznačnyja, pad adnym z navalničnych abłokaŭ ź nizka raźmieščanaj nižniaj miažoj skłalisia spryjalnyja ŭmovy dla raźvićcia słaboha vichra (śmierču).
Hetaja źjava davoli redkaja dla našaj krainy. Da prykładu, na jeŭrapiejskaj terytoryi Rasii 40% śmierčaŭ zdarajecca ŭ červieni i čaściej za ŭsio z 17.00 da 18.00. U ich pravodzilisia takoha rodu daśledavańni, jakija dazvolili vyvieści takuju statystyku. U nas umovy padobnyja, bo my pobač raźmiaščajemsia», — paviedamiła śpiecyjalistka.
Apošni vichor z zafiksavanych naziraŭsia ŭ Biełarusi minułym letam na Minskim mory. Tady nie abyšłosia biez čałaviečych achviar.
«Źjava heta sapraŭdy redkaja, adsočvać jaje možna tolki pa fota i videa, tamu što mietearałahičnymi sietkami nazirańniaŭ takuju nie adsočyš», — dadała sinoptyk.
Čytajcie taksama:
Jak pavodzicca padčas vichru i dzie niebiaśpiečna chavacca ad mocnaha vietru
Padrabiaznaści trahiedyi na Minskim mory, dzie ŭ niepahadź zahinuła 19-hadovaja dziaŭčyna
Vichor, iskry latuć: videa ŭčarašniaj trahiedyi na Minskim mory
Na Minskim mory praniośsia mocny vichor, jość achviara i paciarpiełyja
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)
pryčym, u nas uražańnie, što za tyja niapoŭnyja 20 hod, jak čas ad času nazirali jaje, jana pavialičyłasia bolš, čym u 2 razy