Lisički pačali źbirać viodrami. A jakija na ich ciapier ceny?
Z kožnym dniom u internecie źjaŭlajecca ŭsio bolš fatahrafij pieršych letnich hryboŭ. U mnohich abłaściach Biełarusi ŭžo viodrami źbirajuć lisički, čyrvonahałoviki, apieńki i navat baraviki. Naprykład, žycharka Mahiloŭščyny padzialiłasia rolikam u tyktoku, jak znajšła cełuju palanku lisičak i ŭ vyniku naźbirała cełaje viadro, piša Telegraf.news.
«Takim čynam, siońnia 4 červienia, my znoŭ pryjechali ŭ les i voś užo kolki naźbirali», — havoryć u pačatku videa dziaŭčyna i pakazvaje cełaje viadro aranžavych hryboŭ.
Dakładnyja kaardynaty, pa zrazumiełych pryčynach, jana nazyvać nie stała, ale viadoma, što źbiralisia hryby ŭ Hłuskim rajonie.
«Pryhažość! 2 červienia taksama byŭ u lesie, u Buda-Kašaloŭskim rajonie. Maleńkich lisičak — niamierana, zbolšaha nabraŭ 2 viadry. Padbiarozaviki amal usie drennyja. A ŭ pačatku maja byli maślaki na toŭstaj nožcy», — padzialiŭsia asabistym vopytam jašče adzin amatar źbirańnia hryboŭ.
Miž tym u internecie ŭžo pačali pradavać rannija červieńskija hryby. Naprykład, u Hrodnie za 3-litrovaje viadro lisičak prosiać 30 rubloŭ, a ŭ Smarhoni hatovyja addać 1 litr za 16 rubloŭ. Na staličnym Kamaroŭskim rynku 1 šklanku śviežych lisičak vam pradaduć za 10 rubloŭ.
Śpiecyjalisty śćviardžajuć, što takija rannija znachodki abumoŭlenyja sioletnimi tempieraturnymi rekordami.
Čytajcie taksama:
«Try litry lisičak za paru hadzin». U Biełarusi ŭžo na ŭsiu moc pajšli hryby
Kaźlaki, ababki, baraviki… U lasach užo pajšli letnija hryby
U Voranaŭskim rajonie mužčyna trapiŭ u reanimacyju, atruciŭšysia sušanymi muchamorami
