Biełarus vyrašyŭ viarnucca z-za miažy dadomu. Ale zmoh heta zrabić tolki za bujny vykup
29-hadovy žychar Rahačova vučyŭsia ŭ VNU na biudžetnaj formie navučańnia, ale paśla nie adpracavaŭ naležny termin pa raźmierkavańni, a vyjechaŭ za miažu. I heta jamu pryhadali.
«Abaviazkovaja adpracoŭka nie pryjšłasia jamu daspadoby, i praź niekatory čas małady śpiecyjalist pajechaŭ žyć u Dubaj», — raskazali ŭ Hałoŭnym upraŭleńni justycyi Homielskaha abłvykankama.
Paśla taho sud pastanaviŭ viarnuć srodki, jakija dziaržava nibyta vydatkavała na navučańnie, suma viartańnia skłała amal 48 tys. rubloŭ. Ale pakul chłopiec byŭ za miažoj, to spahnać ź jaho hetyja hrošy nie mahli.
Kali, adnak, z časam jon vyrašyŭ viarnucca dadomu, to daviedaŭsia, što orhany prymusovaha vykanańnia abmiežavali jaho ŭ pravie pierasiakać dziaržaŭnuju miažu. A vyrašyłasia prablema tolki tady, kali jon źviazaŭsia z sudovym vykanaŭcam praz sacsietki i vypłaciŭ patrabavanyja hrošy ŭ poŭnym abjomie.
Čytajcie taksama:
Vypusknik-miedyk za admovu ad raźmierkavańnia zapłacić minimum 60 tysiač rubloŭ
