Ź Biełarusi sychodzić łatyšski vytvorca lekaŭ
Łatyšski vytvorca lekaŭ Olainfarm pryniaŭ rašeńnie całkam pakinuć biełaruski i rasijski rynki, paviedamiŭ staršynia praŭleńnia kampanii Janis Buks.
Fota: pharmprom.ru
Pavodle Janisa Buksa, u hety momant Olainfarm pracuje nad stvareńniem novaha partfielu lekaŭ, ź jakim vytvorca moh by vyjści na zachodni rynak, całkam pakinuŭšy krainy, jakija niepasredna ci ŭskosna biaruć udzieł u vajnie suprać Ukrainy. Stvareńnie takoha partfielu zojmie nie mienš za 4—6 hadoŭ.
Na pytańnie ab tym, čamu kampanija nie admoviłasia ad handlu z Rasijaj da hetaha času, staršynia praŭleńnia adkazaŭ, što heta było «spravaj inšych asobaŭ, jakija prymajuć rašeńni ŭ kampanii».
Kampanija Olainfarm zajmajecca vyrabam lekavych preparataŭ i charčovych dadatkaŭ, a taksama vytvorčaściu chimikataŭ i aktyŭnych chimičnych inhredyjentaŭ.
Najbolš viadomyja preparaty hetaj kampanii, pradstaŭlenyja ŭ Biełarusi — «Adaptoł», «Fienkaroł», «Naafien» i «Etacyzin».
Čytajcie taksama:
U Litvu bieź ježy, napojaŭ i cyharet. Što adbyvajecca z uvozam biełaruskich tavaraŭ u Litvu?
