«Jak varyjant — hnije śmietnik». Mocna śmiardzić nie tolki ŭ Łošycy, ale i ŭ Šabanach
U słužbie 115 zajaŭku prymać admovilisia.
Fota: «SB»
Minčuki praciahvajuć skardzicca na niepryjemny pach pavietra. Prablema nazirajecca nie tolki ŭ rajonie Łošycy — skarhi pastupajuć i ad žycharoŭ Šabanoŭ.
U rajonie vulicy Rotmistrava adčuvajecca mocny pach kanalizacyi, piša Onliner.
«Źjaŭlacca jon pačaŭ dzieści miesiac tamu, jak tolki paciapleła. Nie viedaju, jak iduć spravy dniom, kali ja na pracy, ale kali pryjazdžaju dadomu (a heta kala 6-j hadziny viečara), pach adčuvajecca. Uzmacniajecca jon da 8-j viečara, davodzicca začyniać vokny. A voś ranicaj pachu, jak praviła, niama. Pry hetym słužba 115, kudy ja telefanavała, admoviłasia prymać zajaŭku», — raskazała žycharka rajona.
Žychary Łošycy miarkujuć, što prablema moža być źviazanaja sa śmietnikam na MKAD.
«Dakładna nie hnoj. Moža, niejkija inšyja ŭhnajeńni. Jak varyjant: hnije śmietnik kala MKAD. Ci, moža, z harbarnaha zavoda ŭ Hatava niasie. Dy i ačyščalnyja zbudavańni ŭ Šabanach mohuć davać takoje ambre», — raskazała inšaja žycharka Minska.
Napiaredadni dyrektar pa budaŭnictvie «Minskvodakanała» Kiryła Antonaŭ paabiacaŭ, što ŭžo ŭ 2024 hodzie pačniecca rekanstrukcyja Minskaj ačyščalnaj stancyi, raźmieščanaj u Šabanach.
Kamientujučy prablemu čyścini pavietra, Antonaŭ adznačyŭ, što technałohija ačystki takaja, što vada praciahły čas znachodzicca ŭ adkrytych basiejnach vialikaj płoščy. Pavodle jaho słoŭ, śpiecyfičny pach pry najaŭnaści vietru moža dasiahać horada i dastaŭlać dyskamfort žycharam mikrarajonaŭ Šabany i Čyžoŭka.
Niepryjemny pach u Łošycy čynoŭniki raniej patłumačyli sielskahaspadarčymi rabotami.
Čytajcie taksama:
U minskaj Łošycy znoŭ śmiardzić. Što kažuć ułady?
Čamu ŭ Minsku ŭ śpiakotnyja dni mocna śmiardzić?
U staličnym domie abmiežavali dostup da kantejniernaj placoŭki. Čamu?
20 hod tamu śmiardzieła tak, što sapraŭdy nievynosna. kali viecier paŭdniovy