Voś jak vy adroźnicie samyja smačnyja sarty kłubnic
Roznyja sarty kłubnic adroźnivajucca pamieram, koleram, smakam i praciahłaściu zachoŭvańnia.
Dla sałodkich sartoŭ kłubnic typovaja adlehłaść miž jahadaj i chvościkam-čašaliścikam. Fota: Naša Niva
«Alba»
Raspaŭsiudžany ŭ Biełarusi rańni sort nazyvajecca «Alba». Hety sort italjanskaj sielekcyi adroźnivajecca svajoj uradžajnaściu. U Biełarusi z adnaho kusta mahčyma atrymać da 1 kiłahrama jahad, jakija majuć adnolkavuju formu i dastatkova ščylnuju miakać. Sort ustojlivy da zachvorvańniaŭ, a jahady dobra pieranosiać transpartavańnie. Ale jany nie majuć jarkaha smaku i sałodkaści. Jany nahadvajuć jahady, što pryvoziać z Turcyi, Hrecyi ci Izraila — ćviordzieńkija, ale nie sałodkija.
Kłubnicy sortu «Alba». Skryn videa user-ir6oi3xp9k / YouTube
«Ziefir»
Rańnim družnym paśpiavańniem vyłučajecca i daŭno viadomy ŭ Biełarusi sort «Ziefir». Płady vahoju da 50 hram majuć dastatkova ščylnuju miakać biez pustotaŭ ružovaha koleru. Z adnaho kusta źbirajuć da 1 kiłahrama jahad vahoju da 50 hram. Hety sort ustojlivy da marazoŭ i chvarobaŭ.
Akramia vodaru, «Ziefir» vyłučajecca vydatnym smakam. Jaho možna adnieści da desiertnych sartoŭ z-za pavyšanaha ŭtrymańnia cukraŭ. Voś takija jahady kuplajcie śmieła, spadabajucca.
Kłubnicy sortu «Ziefir». Skryn videa: user-yc1ue7zv8m / YiuTube / YiuTube
«Fiestyvalnyja»
Siarod siaredniaśpiełych sartoŭ vydzialajecca sort «Fiestyvalnyja», jaki byŭ vyviedzieny jašče ŭ 1960-ch hadach.
Hałoŭnaja jaho admietnaść — nasyčana-čyrvonyja płady z čyrvonaj ščylnaj miakaćciu. Dastatkova bujnyja jahady majuć vydatny smak i vodar. Raślina vytrymlivaje marazy, daje vialikija jahady. Ale jaje minusam źjaŭlajecca niaŭstojlivaść da hrybkovych zachvorvańniaŭ i zasuchi. Taksama śpiełaja jahada drenna pieranosić transpartavańnie. Ale jana smačnaja!
Kłubnicy sortu «Fiestyvalnyja». Skryn videa: realny_sadovod / YiuTube
«Łord»
Hety sort ličycca adnym z aptymalnych dla Biełarusi. Jamu i dohladu asablivaha nie treba, i da chvarobaŭ dy škodnikaŭ jon ustojlivy. U adroźnieńnie ad inšych sartoŭ, jakija patrabujuć pierasadki kožnyja 3-5 hadoŭ, «Łord» moža narmalna radzić na adnym miescy da dziesiaci hadoŭ. Płady ŭ hetaha sortu ŭ siarednim važać 35-50 hramaŭ i vyłučajucca pryjemnym sałodkim smakam i pacham. Unutry jahada moža być z pustotami, ale heta nie paharšaje jaje smaku.
Kłubnicy sortu «Łord». Skryn videa grechishnikova / YouTube
Jak vyznačyć jakasnyja płady kłubnic na rynku
Hałoŭnaje, na što śpiecyjalisty rajać źviarnuć uvahu pry vybary, heta na toje, kab jahady byli suchija, ščylnyja i biez prykmietaŭ hnijeńnia. Koler u pładoŭ pavinien być adnarodny bieź zialonych ci biełych plamaŭ.
Važna, kab na pładach prysutničaŭ čašaliścik, jaki nie pavinien być suchim ci pažoŭkłym. Suchi chvościk havoryć pra toje, što kłubnicy sabranyja daŭno.
Śpiecyjalisty rajać taksama źviarnuć uvahu na toje, jak prymacavany čašaliścik da płoda. Kali pamiž im i jahadaju jość adlehłaść, to kłubnicy buduć sałodkimi. Kali liściki ščylna prylahajuć da jahady, to jana z bolšaj imaviernaściu budzie kisłaj.
Adsutnaść čašaliścika pryvodzić da taho, što na jaho miesca traplajuć mikroby. Tamu płady biez čašaliścikaŭ chutčej psujucca.
U kłubnic pavinien być nasyčany, jahadny aramat, a płady majuć być ź vialikaj kolkaściu ziarniatkaŭ žoŭtaha koleru. Śćviardžajecca, što čym hłybiej ziarniatki pahružanyja ŭ jahadu, tym jana smačniejšaja.
Śpiecyjalisty źviartajuć uvahu, što sapraŭdy dobryja, niechimičnyja kłubnicy buduć nieadnarodnymi pa pamiery. Kali adna jahada vialikaja, druhaja małaja, a treciaja siaredniaja — heta narmalna, tak jano i byvaje ŭ zvyčajnych umovach.
Čytajcie taksama:
Pasprabujcie jeści kłubnicy miesiac štodzień. Voś što z vami stanie
Jak myć sadavinu, harodninu i zielaninu, kab nie atrucicca?
Lanivyja vareniki ź jahadami — najlepšy śniadanak letam. Možna zamarozić na zapas
