54-hadovaj psichałahini z Maładziečna pahražaje da 10 hadoŭ za padtrymku Ukrainy i «ŭdzieł u ekstremisckim farmiravańni»
Heta jak minimum tryccaty hramadzianin Biełarusi, jakoha sudziać pa hetym artykule.
Žanna Daškievič. Fota ź jaje staronki Ukantakcie
Žańnie Daškievič 54 hady. Rodam jana ź vioski Svatki Miadzielskaha rajona Minskaj vobłaści. Žanna skončyła Babrujski miedycynski technikum u 1987-m, a va ŭzroście 41 hod pastupiła ŭ Biełaruski dziaržaŭny piedahahičny ŭniviersitet na psichołaha.
Miarkujučy pa sacsietkach, žančyna žyła ŭ Maładziečnie, choć jaje IP zarehistravanaje ŭ vioscy Markava Maładziečanskaha rajona.
U jaje dvoje darosłych dziaciej — dačka i syn — i nie mienš za troje ŭnukaŭ.
Žančyna zajmałasia sietkavym markietynham, kansultavała pa pravilnym charčavańni i ładziła psichałahičnyja sieansy. U sacsietkach jana pazicyjanuje siabie jak «śpiecyjalista pa ŭschodniaj miedycynie, nutrycyjołaha, psichołaha-praktyka i nacyjanalnaha kansultanta kampanii «Ciańšy» (Tiens)».
Nieviadoma, kali Žannu Daškievič zatrymali i za što. Ale jana pierastała być anłajn z kastryčnika 2023-ha hoda, choć raniej aktyŭna viała sacsietki.
Sud nad žančynaj pačaŭsia 3 červienia 2024 hoda ŭ Minskim abłasnym sudzie. Žannu sudziać pa dvuch artykułach — «viarboŭka, navučańnie abo padrychtoŭka da ŭdziełu ŭ vajnie, a taksama materyjalnaje zabieśpiačeńnie takoj dziejnaści» (č. 2 art. 361-3) i «stvareńnie ekstremisckaha farmiravańnia abo ŭdzieł u im» (č. 3 art. 361-1). Joj pahražaje ad piaci da dziesiaci hadoŭ kałonii.
My naličyli tryccać čałaviek, asudžanych za padtrymku Ukrainy pa artykule 361-3. Ź ich nie mienš za siem žančynaŭ.
@nashaniva Čamu HUBAZiK pačaŭ dzikaje palavańnie na ivent-ahienctvy i viadučych śviataŭ #biełaruś#biełaruskajamova#minsk#naviny#našaniva#milicijabiełarusi♬ Crime Scene - Avery Alexander
«Naša Niva» — bastyjon biełaruščyny
PADTRYMAĆČytajcie taksama:
67-hadovaja biełaruska viarnułasia sa Šviecyi. Ciapier joj pahražaje da dziesiaci hadoŭ turmy
Kaho sadziać za danaty, a kamu dazvalajuć adkupicca. Voś jakaja łohika
