Matolka pierajechaŭ ź Litvy ŭ Polšču. I patłumačyŭ čamu
Błohier i hramadski aktyvist Anton Matolka paviedamiŭ u sacsietkach, što z redaktarkaj i aktyvistkaj Nastaj Rahatko pierajechaŭ ź Vilni ŭ Varšavu.
Anton Matolka z Nastaj Rahatko. Fota: AntonMotolko / Facebook
Matolka napisaŭ, što vielmi lubić Vilniu, udziačny za ŭsio, što Litva i litoŭcy zrabili dla biełarusaŭ u 20—21 hodzie, što za 3,5 hady jon nikoli nie sutykaŭsia ź niejkaj niepryjaznaściu ci bytavym chejtam u Litvie.
«U adroźnieńnie ad niekatorych palitykaŭ, jakija ŭ niejki momant vyrašyli abrać biełarusaŭ jak zručnuju dla siabie «palityčnuju hrušu dla bićcia», kab nabrać sabie jaki rejtynh na chejcie/supraćpastaŭleńni i ŭjaŭnych pahrozach», — piša Matolka.
Anton udakładniaje, što adna z asnoŭnych pryčyn čamu zjechali ź Litvy — prablemy ź vizami dla biełarusaŭ — siabroŭ i znajomych, jakija nie mohuć atrymać vizy ŭ Litvu.
«Litoŭskija orhany razdajuć klajmo «Pahroza nacyjanalnaj biaśpiecy» naleva i naprava ŭsim, chto kaliści pracavaŭ u dziaržstrukturach, navat kali heta ŭmoŭnaje MNS abo mytnia, a čałaviek tam byŭ pa raźmierkavańni paśla VNU».
Da taho ž, u Varšavie ŭ Antona i Nasty bolšaja častka ich kamand, šmat znajomych. Jeździć ci lotać z Varšavy ŭ niekalki razoŭ praściej i tańniej, čym ź Vilni.
Čytajcie taksama:
