U Varšavie zatrymali biełarusa, jaki zhubiŭ pašpart i žyŭ u mašynie
Jamu pahražaje 10 hadoŭ za narkotyki.
Fota: palicyja Varšavy
U Varšavie padčas płanavaha kantrolu palicyja spyniła mašynu 26-hadovaha biełarusa. Pavodziny mužčyny zdalisia patrulnym padazronym: jon niervavaŭsia i jak byccam sprabavaŭ niešta schavać.
Tady palicejskija vyrašyli ahledzieć aŭtamabil i znajšli ŭ im narkotyki, piša Most sa spasyłkaj na Varšaŭskuju rajonnuju palicyju.
U Audi A4 palicyjanty vyjavili 160 doz marychuany, kakainu, miefiedronu, hašyšu i halucynahiennych hryboŭ ahulnaj vahoj kala kiłahrama. Jany byli rasfasavany i zamatany kalarovymi stužkami. Vierahodna, narkotyki pryznačalisia dla prodažu.
Palicyi jon zajaviŭ, što zhubiŭ pašpart i žyvie ŭ mašynie. Jamu vystavili abvinavačvańnie ŭ zachoŭvańni vialikaj kolkaści narkatyčnych srodkaŭ. Mužčyna pryznaŭ vinu. U dačynieńni da jaho ŭviedzieny palicejski nahlad — jon pavinien rehularna adznačacca ŭ palicejskim učastku.
Našamu suajčyńniku pahražaje da 10 hadoŭ pazbaŭleńnia voli.
