Ministr Kubrakoŭ prapanavaŭ, kab biełaruskija źniavolenyja šyli formu i manholskim siłavikam
Ministr unutranych spraŭ Ivan Kubrakoŭ byŭ z pracoŭnym vizitam u Manholii. Ministerstva spadziajecca supracoŭničać z manholskimi siłavymi viedamstvami pa roznych kirunkach.
Kubrakoŭ u čas vizitu ŭ Manholiju. Fota: telehram-kanał MUS
Siarod ich — zabieśpiačeńnie biaśpieki darožnaha ruchu, abmien dośviedam, u tym liku ŭ halinie navučańnia śpiecyjalistaŭ, uzajemadziejańnia ŭ maštabach mižnarodnych arhanizacyj, takich jak narada ministraŭ unutranych spraŭ i hramadskaj biaśpieki dziaržaŭ — členaŭ ŠAS.
Manholskich palicejskich hatovy navučać na karotkaterminovych kursach na bazie Akademii MUS, paviedamlaje MUS.
Kubrakoŭ taksama zajaviŭ, što pradpryjemstvy Departamienta vykanańnia pakarańnia hatovyja vyrabić dla siłavikoŭ Manholii formiennaje adzieńnie, abutak i śpiecyjalnuju ekipiroŭku.
Nahadajem, formu dla biełaruskich siłavikoŭ šyjuć, naprykład, u žanočaj kałonii ŭ Homieli. Da hetaj pracy pryciahvajuć i palityčnych źniavolenych.
