Miedyjamahnat Rupiert Mierdak ažaniŭsia ŭ 93 hady. Abrańnica — byłaja ciešča Ramana Abramoviča
Heta piaty šlub miedyjamahnata.
Skrynšot videa Mirror7.news
93-hadovy Rupiert Mierdak ažaniŭsia na 67-hadovaj Alenie Žukavaj. Viasielle miedyjamahnata adbyłosia ŭ jaho majontku i vinahradniku ŭ Kalifornii, paviedamlaje The Independent.
Žukava — malekularny bijołah, jakaja ŭ asnoŭnym zajmajecca vyvučeńniem dyjabietu, pravodziačy svaje daśledavańni va ŭstanovach pa ŭsim śviecie, uklučajučy Kalifarnijski univiersitet u Łos-Andželesie.
Paśla raspadu Savieckaha Sajuza jana pierajechała ŭ ZŠA z Maskvy razam sa svaim byłym mužam Alaksandram Žukavym, jaki z časam staŭ miljarderam, jon inviestuje ŭ enierhietyku. Ich dačka Daša Žukava da 2017 hoda była zamužam za rasijskim aliharcham Ramanam Abramovičam.
Rupert Murdoch and Elena Zhukova marry at Bel Air winery Moraga https://t.co/HZKU6AhDyRpic.twitter.com/qTfNjrck4c
Dla Mierdaka heta piaty šlub. Z 2016 pa 2022 hod jon byŭ žanaty na supiermadeli i byłoj žoncy Mika Džahiera Džery Choł.
Jaho pieršy šlub, sa ściuardesaj Patrycyjaj Bukier, adbyŭsia ŭ 1956 hodzie, i para raźviałasia paśla 11 hadoŭ sumiesnaha žyćcia ŭ 1967 hodzie. U ich jość ahulnaje dzicia, dačka Prudiens.
U tym ža hodzie paśla razvodu z Bukier Mierdak ažaniŭsia na šatłandskaj žurnalistcy Hańnie Maryi Torv, ad jakoj u jaho troje dziaciej: Elizabet, Łachłan i Džejms.
Jany raźvialisia ŭ 1999 hodzie paśla 32 hadoŭ sumiesnaha žyćcia, i praź niekalki miesiacaŭ Mierdak ažaniŭsia z Vendzi Denh, ź jakoj u jaho dźvie ahulnyja dački, Hrejs i Chłoja. Para raźviałasia ŭ 2013 hodzie.
News Corp Rupierta Mierdaka vałodaje sotniami haziet i inšych srodkaŭ masavaj infarmacyi pa ŭsim śviecie. Stvorany ŭ 1996 hodzie telekanał Fox — zaraz samy papularny kanał u ZŠA.
Pačynaŭ Mierdak u 1950-ch u rodnaj Aŭstralii. U 1969 hodzie jon kupiŭ dźvie «žoŭtyja» brytanskija haziety — News of the World i Sun, zatym — amierykanskija New York Post i Wall Street Journal i takim čynam pastupova stvaryŭ hihanckuju mižnarodnuju miedyja-impieryju.
U vieraśni 2023 hoda Mierdak abviaściŭ, što sychodzić u adstaŭku z pasady kiraŭnika Fox Corp. i News Corp. Adnak płanuje zachavać za saboj pasadu hanarovaha staršyni, pakolki jaho syn Łachłan pierajšoŭ na tuju pasadu, jakuju jon pakinuŭ paśla siabie.
