Znakamitaha majstra danosaŭ z Hiermanii asudzili. Ale nie za danosy
18-hadovy Nikłas Matei ź miastečka Hrefienchajnichien z Hiermanii prasłaviŭsia jak «majstar danosaŭ». Za hod chłopiec napisaŭ 4227 skarhaŭ na susiedziaŭ, čaściej za ŭsio za niapravilnuju parkoŭku. Za jaho ruchami pa krainie sočać tysiačy ludziej. Adnak ciapier i sam junak akazaŭsia parušalnikam zakona, piša Bild.
Nikłas Matei. Fota: Bild
U rajonnym sudzie horada Vitenbierh adbyŭsia praces suprać Matei pa spravie ab raspalvańni varožaści padčas pandemii. Tady Nikłas byŭ niepaŭnaletnim, tamu sud prajšoŭ za začynienymi dźviaryma. Pavodle źviestak BILD, staršakłaśnik raźmiaściŭ u školnym čacie zabaronienyja ahresiŭnyja materyjały pra karanavirus i zaklikaŭ zabivać tych, chto nie pryščapiŭsia. Sud paličyŭ heta raspalvańniem nianaviści i prysudziŭ chłopcu 100 hadzin hramadskich rabot i štraf u 1000 jeŭra.
Nikłas nie pryznaŭ vinu i padaŭ apielacyju.
Čytajcie taksama:
