«Kali nie Cichanoŭskaja, to nichto», — Drakachrust
U novym vypusku TOKu palitołah Juryj Drakachrust razvažaje pra Śviatłanu Cichanoŭskuju i mahčymuju jaje zamienu.
Śviatłana Cichanoŭskaja. Fota: Ofis Cichanoŭskaj
Drakachrust adznačaje, što ŭ jaho vielmi stanoŭčaje staŭleńnie da Śviatłany Cichanoŭskaj.
«Ja liču, što heta naš aktyŭ. Heta pryhožy naratyŭ pra Papiałušku, jakaja stała karalevaj. Jana čałaviek, zdolny vielmi dobra vučycca, mianiacca — pryčym u roznyja baki».
Pa mierkavańni palitołaha, Cichanoŭskaja «moža ŭ značnaj stupieni viarnucca da svajoj roli 2020 hoda». Jon zaŭvažaje: «u jaje tady — u bolšaj stupieni, čym ciapier — była takaja jakaść, jak narodnaść. Jana była realnym čałaviekam z narodu».
Drakachrust źviartaje ŭvahu na cikavaje, na jaho dumku, supadzieńnie.
«Ja čuŭ, što ŭ 94-m hodzie Łukašenku, tady kandydata ŭ prezidenty, nazyvali «naš Saška». Kiebiča nie nazyvali Słaŭkaj, Paźniaka Zińkaj. I ŭsich nastupnych kandydataŭ. Tak nie nazyvali ni Niaklajeva, ni Hančaryka, ni Sańnikava, ni Karatkievič. A Śvietu nazyvali Śvietaj. Jana dla vielmi mnohich była Śvietaj. A heta pakazčyk trapleńnia ŭ narod».
Jak zaŭvažaje palitołah, zaraz u Cichanoŭskaj «nie šmat šancaŭ uziać uładu, ale situacyja moža źmianicca. I Cichanoŭskaja moža źmianicca, viarnucca da toj siabie, jakoj jana była ŭ 2020-m, toj Śviecie, jakuju mnohija biełarusy razumieli: «Naša baba. Narmalnaja takaja. Voś byŭ Saška. Zaraz Śvietka».
Juryj Drakachrust. Skryn videa TOK_talk / YouTube
Palitołah ličyć, što krytyka Cichanoŭskaj z boku Sańnikava i Paźniaka tłumačycca kankurencyjaj i zajzdraściu.
«Jany taksama palityčnyja fihury. A palityka zaŭsiody kankurentnaja asiarodździe. (…) U 20-m hodzie ich piarečańni byli niedarečnyja. I jany heta razumieli. Kali byŭ praces, jaki moh skončycca pośpiecham. A kali paraza, adliŭ, to tut pačynajucca razborki. Banalnaja zajzdraść», — tłumačyć palitołah i zaŭvažaje:
«Kali b jany mieli pośpiech, to vynik byŭ by kiepski. Tamu što zaniać miesca Cichanoŭskaj u ich by nie atrymałasia. I nie atrymajecca. Bo hetaje miesca joj daŭ 2020 hod, a nie im. A kali b, umoŭna kažučy, atrymałasia b jaje «iźvierhnuť iz sana», to situacyja ŭ biełaruskaj apazicyi była b takaja, jak u rasijcaŭ.
Voś Kasparaŭ, Kac, Chadarkoŭski. Julija Navalnaja. A jak pahavaryć ź Jeŭropaj? A z kim? A voś my ŭsie. Nu, značyć, nichto. Kali nie Cichanoŭskaja, to heta značyć [, što] nichto».
Hladzicie całkam:
Čytajcie taksama:
Jaki momant byŭ dla Łukašenki samym traŭmatyčnym? Razvažaje Drakachrust
