«Biełaruskaje tavarystva palitołahaŭ» budzie nacyjanalizavać palitałohiju
1 červienia ŭ Hrodnie prajšoŭ ustanoŭčy schod Respublikanskaha hramadskaha abjadnańnia «Biełaruskaje tavarystva palitołahaŭ». Stvareńnie novaj prapahandysckaj struktury adbyłosia ŭ ramkach navukova-praktyčnaj kanfierencyi z nahody 30-hodździa instytuta prezidenctva ŭ Biełarusi, piša Reform.news.
Zvarot Łukašenki da ŭdzielnikaŭ kanfierencyi. Fota: HrDU
Jak adznačyŭ zahadčyk kafiedry palitałohii Hrodzienskaha dziaržaŭnaha ŭniviersiteta Viktar Vatyl, «pryjšoŭ čas pakinuć u minułym pierajmańnie zachodniejeŭrapiejskaha dośviedu. Nieabchodna nacyjanalizavać nie tolki palitałohiju, ale i dziaržaŭny dośvied», pieradaje pres-słužba HrDU.
Start stvareńniu RHA byŭ dadzieny vosieńniu 2023 hoda na pasiadžeńni administracyi Łukašenki.
U tavarystva palitołahaŭ zmohuć ustupić nie tolki akademičnyja palitołahi, ale i ŭsie hramadzianie Biełarusi, jakija dasiahnuli ŭzrostu paŭnalećcia.
Kanfierencyja była arhanizavana pad ehidaj administracyi Łukašenki i prachodziła na bazie HrDU z 31 maja pa 1 červienia. U joj prymajuć udzieł bolš za 230 navukoŭcaŭ, daśledčykaŭ, ekśpiertaŭ, pradstaŭnikoŭ orhanaŭ dziaržaŭnaj ułady i kiravańnia ź dziesiaci krain: Biełarusi, Rasii, Kitaja, Kazachstana, Vieniesueły, Japonii i inšych.
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)