Kryšcijanu Ranałdu zastaniecca ŭ Saudaŭskaj Aravii jašče na adzin siezon
Zorny partuhalec praviadzie i nastupny hod u «Al-Nasry», napisaŭ u sacsietkach aŭtarytetny futbolny błohier i insajder Fabrycya Ramana, čyje prahnozy zbyvajucca na 99%.
Kryšcijanu Ranałdu. Fota: Amr Nabil / AP
Kryšcijanu Ranałdu pierajšoŭ u «Al-Nasr» na pravach svabodnaha ahienta ŭ studzieni 2023 hoda.
U hetym siezonie šmatrazovy ŭładalnik «Załatoha miača» ŭziaŭ udzieł u 45 matčach va ŭsich turnirach, u jakich adznačyŭsia 44 hałami i 13 vynikovymi pieradačami. Pavodle infarmacyi Transfermarkt, rynkavy košt futbalista składaje € 15 młn.
Praŭda, učora ŭ finale Kubka Karala pamiž «Al-Chilalem» i «Al-Nasram» kłub partuhalca prajhraŭ u sieryi pienalci, i Ranałdu raspłakaŭsia. Jon płakaŭ niekalki chvilin. Pakul u Kryša ŭ Saudaŭskaj Aravii tolki adzin trafiej, kłub dvojčy sastupiŭ čempijonstva.
Skrynšot videa Canal+
SSC
Taksama Kryšcijanu dniami vyklikali ŭ zbornuju Partuhalii dla ŭdziełu ŭ čempijanacie Jeŭropie pa futbole. Heta budzie šosty dla jaho čempijanat, što źjaŭlajecca rekordam. Upieršyniu Ranałdu paŭdzielničaŭ u Jeŭra ŭ 2004 hodzie.
U Jeŭropie KR hulaŭ za «Sportynh», dvojčy za «Mančester Junajted», «Reał» i «Juvientus».
Čytajcie taksama:
Biełaruskaha treniera Viktara Hančarenku vykinuli z «Urała» z-za kiepskich vynikaŭ
