U Mazyry vykinuli na śmietnik nievierahodnuju kolkaść chatnich zakatak VIDEA
U Mazyry ŭ adnym z dvaroŭ kala śmiećcievych bakaŭ nieviadomyja pakinuli vializnuju kolkaść chatnich zakatak. Pra heta ŭ tyktoku raskazała miascovaja žycharka, zaŭvažyła Blizko.by.
Skrynšot ź videa
Čaho tam tolki niama: zakatanyja hryby, harodnina, vareńnie, a taksama kampoty.
Ciapier videa aktyŭna virusicca ŭ sacsietcy, a karystalniki pakidajuć sotni kamientaroŭ.
Adzin ź ich piša: «Źmianilisia časy, zakatki stali nie patrebnyja». Inšaja žančyna aburajecca: «Heta ž stolki sił, času i hrošaj. Adno pytańnie: navošta stolki rabić?»
Možna było pračytać i takuju historyju: «Znajomaja kupiła dom u vioscy, a tam u sklepie vielmi šmat zakatak. Jana ŭsio vystaviła na śmietnik. Ja b taksama nie jeła čužyja zakatki».
Historyja na hetym nie skončyłasia. Na nastupny dzień tyktokierka vystaviła videa, na jakim vidać, što nivodnaj zakatki kala bakaŭ užo nie zastałosia.
Karystalniki adrazu ž adreahavali. Žančyna piša: «Pravilna, čaho prapadać dabru». Jaje padtrymlivaje kamientatar: «Kali kryška ŭ słoikach nie nadźmułasia, to možna ŭžyvać, čałaviek ža dla siabie zakatvaŭ».
Ale nie ŭsie zhodnyja z takim śćviardžeńniem. Dziaŭčyna piša: «Ja b nie ryzyknuła heta jeści». A niekatoryja naohuł nie razumiejuć, navošta rabić narychtoŭki na zimu: «Nie razumieju hetych ludziej, harbaciacca na dačach. Potym usio heta pierapracoŭvajecca, a paśla na śmietnik».
Čytajcie taksama:
Jakija pradukty najčaściej vyklikajuć batulizm
Leta ŭ słoiku. Kolki sioleta treba vydatkavać, kab pastavić zakatki?
«Kolki kaštuje? Nu, kolki daście». Jakija prysmaki možna kupić «pa darozie»?
Za kolki siońnia možna adpačyć z šašłykom i jak źmianilisia ceny ŭ paraŭnańni ź letašnimi?
dyk tyktokierka niaboś i zabrała ich... nalapiła etykietki i ciapier la trasy staić