Ukraina i Rasija praviali pieršy ź lutaha abmien vajennapałonnymi
U piatnicu Ukraina viarnuła z rasijskaha pałonu 75 čałaviek. Siarod ich — 71 vajskoviec. Rasija taksama viarnuła sabie 75 čałaviek, piša RBK-Ukraina.
Fota: telehram-kanał Uładzimira Zialenskaha
«Pra ŭsich pamiatajem. Prykładajem maksimum namahańniaŭ, kab znajści kožnaha i kožnuju. Dziakuj kamandzie, jakaja pracuje nad abmienami», — adznačyŭ Uładzimir Zialenski.
Fota: telehram-kanał Uładzimira Zialenskaha
U svaju čarhu ambudsmen Dźmitryj Łubiniec zajaviŭ, što rabotniki ofisa znachodziacca na miescy ažyćciaŭleńnia abmienu dla taho, kab prakantralavać vykanańnie pravoŭ čałavieka, u adpaviednaści ź mižnarodnym humanitarnym pravam i Ženieŭskimi kanviencyjami.
Fota: telehram-kanał Uładzimira Zialenskaha
«Abaroncaŭ i žančyn-abaroncaŭ, jakija ŭžo siońnia za doŭhi čas pačuli hałasy svaich rodnych, pierapaŭniali emocyi. Nie mienš emacyjna na zvanki reahavali i siemji, bo niekatoryja ź ich nie čuli hołasu rodnych z pačatku rasiejskaha ŭvarvańnia na našu ziamlu», — dadaŭ jon.
Fota: Minabarony Rasii
«Samalotami vajenna-transpartnaj avijacyi VKS Rasii vyzvalenyja vajskoŭcy buduć dastaŭleny ŭ Maskvu dla prachodžańnia lačeńnia i reabilitacyi ŭ miedycynskich ustanovach Minabarony Rasii. Usim vyzvalenym akazvajecca nieabchodnaja miedycynskaja i psichałahičnaja dapamoha», — adznačyli ŭ Minabarony Rasii.
