Znajści
Ałharytmičny łacinski varyjant
30.05.2024 / 15:214RusŁacBieł

Pamierła Viera Sałanovič — dziaŭčynka sa znakamitaha fota z kancłahiera «Azaryčy», što ablacieła śviet

Viera Sałanovič pajšła z žyćcia 28 traŭnia. Joj było 85 hadoŭ.

Pa pašparcie Viera Sałanovič naradziłasia 24 studzienia 1939 hoda. Ale heta nie dakładna. Jak raspaviadała Viera, padčas vajny chata zhareła razam z usimi dakumientami, a paśla vyzvaleńnia ŭ novych dakumientach uzrost dziaciej vyznačaŭsia pa vonkavym vyhladzie. 

Na pytańnie, kali jana naradziłasia maci adkazvała: «Kali baćka pryjšoŭ ź finskaj vajny. Ja vas usich radžała, kali žyta cisnuła ci bulbu kapała. Radžu, pakładu ŭ lulku, a sama idu ŭ pole. Ź lulki vy nie vyvaliciesia, a kali krychu i pakryčycie, dyk ničoha».

Z pačatku vajny maleńkaja Viera razam ź siamjoj chavałasia ad nacystaŭ u bałotach na Homielščynie. Napačatku sakavika 1944 hoda ich znajšli i pahnali ŭ kancłahier «Azaryčy». 

«My ŭsie byli asudžany: ludzi lažali na mierzłaj ziamli, chvareli na sypny tyf, chvoryja zaražali zdarovych. Nam prosta pašancavała, što nas vyzvalili 19 sakavika 1944 hoda, jašče b dva tydni, i nikoha ŭ žyvych u łahiery nie zastałosia b», — raskazvała Viera.

U Azaryčach Viera ŭpieršyniu ŭ svaim žyćci sfatahrafavałasia. Heta adbyłosia padčas vyzvaleńnia. Jak Viera raspaviadała, jana zhubiłasia, i šukać jaje adpraviłasia ciotka Chadośsia. Fotakarespandenta ciotka pryniała za pieraapranutaha niemca, a fotaaparat — za nieviadomy vid zbroi. Jana skazała fotakarespandentu, što kali jon vyrašyŭ zabić, to niachaj chutčej, nie mučyć.

Na zdymku na zadnim płanie bačny siłuet čałavieka — heta ciotka Chadośsia. 

Viera Sałanovič. Fota: Siamion Alpieryn

Paźniej fotakarespandent, jaki zrabiŭ hety zdymak u Azaryčach, pryjazdžaŭ u viosku, chacieŭ ubačyć Vieru. 

Ale ciotka i maci nie puścili jaje. «Mnie tak chaciełasia sustrecca ź im. Ale strach byŭ vielmi mocny», — kazała Viera. Strach — raspaviadać pra kancłahier, bo za try dni, jakija jaje baćka pravioŭ u niamieckim pałonie, jon atrymaŭ 15 hod łahieraŭ i byŭ adpraŭleny na Vołha-Don. Nie dapamahli frantavyja ordeny i miedali. Dadomu jon viarnuŭsia tolki paśla śmierci Stalina, paźniej byŭ reabilitavany. 

«Maci zabaraniała mnie raskazvać, što ja była ŭ kancłahiery. Heta byŭ čas, pra jaki ŭ nas, biełarusaŭ, pryniata kazać «haleča». Nie było ničoha, žyćcio pačynali ź nitki i ihołki», — raspaviadała žurnalistam u 2023 hodzie Viera. 

Paźniej Viera vyjšła zamuž i pierajechała ŭ Babrujsk, dzie i žyła ŭsie hetyja hady.

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
6
Панылы сорам
2
Ха-ха
0
Ого
1
Сумна
68
Абуральна
1
30.05.2024
babrujčanin, maja maci jak raz 1941 była tam z usioj vioskaj. A babula raskazvała, jak siało zabrali mašynami vajskovymi i usich zavieźli, bili kali nie chacieli iści, nu i u kancłahiery na ziamlu chleb kidali . tam ich vyvodzili z kancłahiera pa mirnym poli i kabieta kala ich vybuchnuła. Nu a tak zrazumieła nichto za savietami nie pryznavaŭsia taksama.
0
Kabieta vybuchnuła/adkazać/
30.05.2024
Spontaneous combustion?
0
RIP/adkazać/
30.05.2024
Niaščasnaja žančyna. Pačała žyć u kancłahiery i ŭ im ža pakinuła hety śviet. Ale razumieńnie pra abodvuch antyčałaviečych akupantaŭ mieła, televizaram takoje nie vytraviš. Viečny spakoj daj joj, Boža.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
majčervieńlipień
PNSRČCPTSBND
12
3456789
10111213141516
17181920212223
24252627282930